Laai boek af : PDF

hulle praat. Engele word ook genoem geeste want geeste is deur God
geskape.
• Hebreërs 1:7, 13-14;
7 “En van die engele sê Hy wel: Hy wat van sy boodskappers winde
maak en van sy dienaars vuurvlamme;
13 En aan watter een van die engele het Hy ooit gesê: Sit aan my
regterhand totdat Ek u vyande gemaak het ‘n voetbank van u
voete?
14 Is hulle nie almal dienende geeste wat vir diens uitgestuur word ter
wille van die wat die saligheid sal beërwe nie?”
Nou ja, so sal u dit ook vind in Ps 104:4. Engele word dus genoem geeste,
want geeste is deur God geskape. Nou, net voordat ek nou verder gaan het
ek belowe om vir u iets interessant te wys in Gén 6:3.
• Génesis 6:3
3 “Toe sê die HERE: My Gees sal nie vir ewig in die mens heers nie,
omdat hy ook vlees is; maar sy dae sal wees honderd en twintig
jaar.”
Wat beteken dit? Nou, die gedagte van party mense - en ek dink ek het dit
ook so geskryf in my pamplet oor ‘Na die dood, wat dan?’ -sommige
Bybelverklaarders reken dat die mens, nadat hy die ewige lewe verloor het,
was sy dae verkort na een honderd en twintig jaar en toe, na die
sondvloed, toe die mens blootgestel is aan die bestraling uit die lug en nie
meer daardie gordel, daardie watergordel rondom die aarde gehad het om
hom te beskerm nie, dat sy lewe toe verder verkort is na sewentig en tagtig
jaar gemiddeld, waarvan die meeste moeite en verdriet is.
Maar, die Companion Bible en ook ‘n hele paar ander baie geleerde
Skrifverklaarders, hulle stel dit so: Hulle verklaar dit dat waar die HERE
gesê het: My Gees sal nie ewig in die ‘mens’ heers nie, daardie woord
‘mens’, in die oorspronklike Hebreeuse Bybel, is Adam en Adam beteken
mens. Met ander woorde kom ons lees dit so: My Gees sal nie vir ewig in
die ‘Adam’ heers nie, omdat hy ook vlees is, maar sy dae sal wees een
honderd en twintig jaar. Met ander woorde die HERE het gesê Adam - die
wérklike Adam wat toe nog geleef het - My Gees sal nie vir ewig in die
mens heers nie omdat hy ook vlees is maar sy dae sal wees een honderd
en twintig jaar. Van hierdie oomblik af dat die HERE dit gesê het, het Adam
nog ‘n honderd en twintig jaar geleef. Nou-ja, ons weet verder as ons in die
Bybel lees, dat Adam nege honderd en dertig jaar oud geword het.
59