Laai boek af : PDF

Nou goed. Dit is nou die gelykenis. Ons gaan nou die verklaring lees wat
die Here Jesus self gegee het. Maar laat ek net u aandag vestig op ‘n paar
punte. Hier kom skielik onkruid op en sy diensknegte sê wat gaan nou
aan? Het u dan nie goeie saad gesaai nie? Waar kom die onkruid
vandaan? Toe sê Hy, luister nou mooi: ‘n vyandige mens het dit gedoen.
Daardie woord: ‘n vyandige mens, is belangrik. Die tweede wat belangrik is
dat hulle saam moet groei tot die oes toe. Want daar is so min onderskeid
sover jy kan sien dat as julle dit nou gaan doen dan trek julle dalk die
koring saam met die onkruid uit. Dit is belangrik. So, met die oestyd sal die
maaiers die onderskeid maak en dan sal hulle die onkruid eerste bymekaar
maak en hulle in bondels bind om dit te verbrand - maar bring die koring
bymekaar in My skuur. Goed, nou gaan lees ons die verklaring wat Jesus
self gegee het.
36 “NADAT Hy die skare weggestuur het, het Jesus huis toe gegaan;
en sy dissipels het na Hom gekom en gesê: Verklaar vir ons die
gelykenis van die onkruid in die saailand.
37 En Hy het geantwoord en vir hulle gesê: Hy wat die goeie saad
saai, is die Seun van die mens,
38 en die saailand is die wêreld. Die goeie saad - dit is die kinders van
die koninkryk,” (met ander woorde hulle is mense) “en die onkruid
is die kinders van die Bose,” (Met ander woorde, die onkruid is ook
mense, maar die Bose is ook ‘n mens. ’n Slegte mens het dit
gesaai)
Ons gaan sien in onse studie, maar ons gaan sien hoe dat daar sekere
engele was wat die gedaante van mense aangeneem het maar wat teen
God gerebelleer het. Maar wat soos mense op die aarde gekom het en ook
omgang gehad het met mense vroue en uit hulle is mense gebore. Maar
mense van ‘n ander karakter.
Nou hier sê dit, ‘n mens, ‘n slegte mens het dit gesaai. Nou sê Paulus aan
die Korinthiërs dat die duiwel doen homself ook voor as ‘n engel van die lig.
Nou goed, ek wil nie te diep daarop ingaan nie, u sien dit in baie van my
pamflette maar ek wil vir u verduidelik omtrent die engele aan die eindtyd.
Die vyand wat dit gesaai het is die duiwel, maar die HERE sê in die
gelykenis, ‘n slegte mens het dit gedoen. Goed, die vyand wat dit gesaai
het is die duiwel. Die oes is die voleinding van die wêreld en die maaiers is
die engele. Net soos die onkruid dan bymekaar gemaak en met vuur
verbrand word, so sal dit wees in die voleinding van hierdie wêreld.
Dit is wat almal glo wat nou voor die deur staan. Die Seun van die mens sal
sy engele uitstuur en hulle sal uit sy koninkryk bymekaar maak al die
47