Laai boek af : PDF

• Jesus in Nasaret
In Násaret was daar nog ‘n aanslag op sy lewe deur Hom van die krans af
te probeer gooi. (Luk 4:29)
• Jesus en die Storms op die meer
Die twee storms op die meer was ander pogings. Onthou u die een geval
toe die Here Jesus aan die slaap was op die kussings agter in die boot en
sy dissipels Hom naderhand kom wakker maak en sê HERE, gee U nie om
dat ons vergaan nie? Toe staan Hy op, bestraf die storm en dadelik het die
wind gaan lê en die see het kalm geword.
• Jesus en die Kruis
Uiteindelik was die Kruis bereik en die graf was verseël; die wagte was
opgestel maar God het Hom uit die dode opgewek. En nou, soos nog ‘n
Joas, is Hy gesete en wag nou verder, (Heb 10:12,13) weggesteek in die
Huis van God in die hoogte en die lede van die ‘een liggaam’ is daar saam
met Hom verborge (Kol 3:1-3) soos nog ‘n ander Joseba en hulle staan uit
om van sy koms te getuig, soos ‘n ander Jójada.(2 Kron 23:3)
Nou, hierdie inval (Irruption) van die ‘gevalle engele’ (seuns van God) was
die eerste poging en dit was teen die ganse menslike geslag gerig. Met die
roeping van Abraham, was hy en sy saad aangeval. Toe Dawid as koning
gekroon is, was sy koninklike saad weer die skyf. En toe die ‘Saad van die
vrou’ met die Here Jesus in die volheid van tyd gekom het, het die storm in
al sy woede op Hom losgebars.
In hierdie dae waarin ons nou leef, het ons by die klimaks van die eeue
gekom. Die bose stroom wat soos ‘n kronkelende slang sy weg deur die
millenniums deurgevleg het, het nog glad nie opgedroog nie. Mígael en sy
engele moet nog die finale stryd stry teen die draak en sy engele (Open
12:7).
Die nasate van hierdie gevalle engele en van Satan self staan aan die spits
van die Antichris magte wat hulself nou gereed maak vir die finale slag om
die Christendom uit te wis. Hou u oë oop en u sal sien wie vír Christus
onder die geledere van nasies is en wie teen Hom. Pasop dat u nie mislei
word nie: “Kyk, Ek het dit vir julle vooruit gesê” (Matt 24:25). Dit is die
woorde van ons Here Jesus self.
• Openbaring 12:7-9
Ek lees vir u weer Open 12:7-9 en onthou dit is nie maar sommer net
beeldspraak nie. Dit is nie sommer net figuurlike terme wat hier gebruik
word nie. Hierdie dinge is werklike tonele wat vir ons beskrywe word.
71