Utdanning 08/2011 her (pdf) - Utdanningsnytt.no

ing
For barneskolen
TeKST oG FoTo: Ingebjørg Jensen
> 1. februar blei lærarar og tillitsvalde frå Hunstad
døveskole i Bergen kalla inn til møte med direktøren
i Statped Vest. Snart skulle dei få ei uventa
melding: Hunstad og tre andre døveskular skal
nedleggjast. No kjempar foreldre, elevar og lærarar
for at staten skal garantere for eit tilbod for døve frå
dei fire vestlandsfylka, på Nattland skole i Bergen.
Kunnskapsdepartementet varsla først både
nedlegging og inntaksstopp ved Skådalen skole
i Oslo, Hunstad skole i Bergen og Nedre Gausen
skole i Holmestrand. Heretter skal A.C. Møller
skole i Trondheim vere det einaste statlege tilbodet
om heiltids grunnskoleopplæring i og på
teiknspråk. Grunngjeving: Talet på fulltidselevar
har gått kraftig ned dei siste åra. Etter kraftige
protestar blei inntaksstoppen utsett eitt år, men
avviklingsvedtaket står framleis ved lag.
Første gongen staten prøvde å stengje
døveskulane, var då dei i 1990 varsla nedlegging
av alle statlege skular. Men protestane frå
aksjonen «La døveskolen leve» fekk regjeringa
til å snu. No har Statleg spesialpedagogisk
støttesystem (Statped) lova å styrke tilbodet til
deltidsopplæring på opptil 12 veker per år, og
«vidareutvikle møteplassar for høyrselshemma
elevar, deira lærarar og foreldre, vidareføre og
styrke tilbod om støtte og rettleiing, særleg om
bistand til skular og elevar på ungdomstrinnet».
Korleis det kjem til å sjå ut i praksis, veit ingen.
Foreldre, elevar og lærarar har funne fram
dei gamle parolane og skrive rasande protestbrev.
Dei døve sine organisasjonar er i harnisk.
Barneombodet er bekymra. Mistanke om brot
på både barnekonvensjonen og opplæringslova
får juristane til å ta fram lupa.
Tvillingskule
Dei mest høgrøysta protestane har kome frå Bergen,
der Hunstad skole med 18 heiltidselevar
også står for eit omfattande tilbod til 55 deltidselevar
og eit større tal kurselevar frå over 50 vestlandskommunar.
Debatten i bergensavisene har
vore heftig – med Statped Vest-direktør Steinar
Sandstad som ein stort sett einsleg forsvarar for
nedlegginga. Statped-tilsette har fått munnkorg,
med unntak av dei tillitsvalde.
– Vi meiner ei samlokalisering på ein utvida
Nattland skole kan bli ei god løysing, seier tillitsvald
på Hunstad døveskole, Marit Markeset.
Sidan 2007 har Bergen kommune og staten
forhandla om oppretting av ein tvillingskule
på Nattland skole for døve og høyrande elevar.
Intensjonsavtalen om statleg garanti var på plass
då staten med nedleggingsvarselet nullstilte
forhandlingane. Forhandlingsrunden 10. mars
førte ikkje til avklaring.
Gløymer kulturen
– Talet på fulltidselevar ved Hunstad er halvert
sidan 2005, men reknar ein saman full- og
deltidselevar, er talet om lag det same, seier tillitsvald
Marit Markeset, som har vore lærar på
Hunstad i 20 år. Før det var ho grunnskuleelev
der frå 6. til 10. klasse. Før intervjuet skjønar eg
at eg forstår henne og ho forstår meg, så kvifor
greier ho seg ikkje utan tolk
– Eg skal jo leve resten av dagen òg! Det
er slitsamt og krevjande om ein berre har litt
høyrsel. Det er jo derfor vi kjempar for desse
barna, for at dei skal få eit miljø der dei kan vere
seg sjølv, og der dei kan kommunisere direkte.
No har dei fleste av dei høyrselshemma barna
cochlea-implantat. Men det er ingen som har
blitt høyrande av det enno!
Ho har erfart korleis det er å vere høyrselshemma
blant høyrande barn:
– Små barn leiker saman, men er du høyrselshemma,
fell du ofte utafor. I vanleg skule
var det dei barna som var interessert i å snakke
tydeleg, som valde meg. Eg valde ikkje før eg
kom på døveskule i Bergen.
– Midtlyng-utvalet, som kom med NOU
2009:18 om rett til læring, har tilrådd nedlegging,
utan fagleg grunngjeving og utan konsekvensanalyse.
Dei har heller ikkje sett på
døveskulane, påpeiker Markeset, som meiner
at utvalet sine tilrådingar er eit reint bestillingsverk
for avvikling.
– Heilt i bakgrunnen kjem kulturen og elevane
sitt behov for eit sosialt miljø der dei kan
kommunisere på eit språk dei heng med i. Men
så lytta utvalet heller ikkje korkje til oss eller
elevane då saka var ute på høyring.
>
Finn morsom kunnskap
om bondens arbeid,
planter, dyr og mat
fra landbruket!
Bestill elevhefter i
nettbutikken på:
bondelaget.no
Nyhet!
Kunnskapsspill
på nett
bondelaget.no/spill
23