Descarga en formato PDF - Centro Ramón Piñeiro para a ...

Dolors Català Guitart
Dolors Català Guitart
syntagmes libres, et même leur morphologie a ses traits particuliers (Mel’uk
1993: 84).
O proceso diacrónico da fixación sempre interesou ós lingüistas. A informatización dos
datos lingüísticos nos dicionarios electrónicos, así como o tratamento automático das
linguas, puxeron en evidencia a importancia das expresións fixas e marcaron unha
mudanza de óptica. Os traballos de Maurice Gross (1982), seguidos dos de Gaston Gross
(1996), permitiron analizar profundamente o fenómeno da fixación común a estas
secuencias ó daren descricións sistemáticas do seu funcionamento.
No marco das investigacións realizadas pola sección Lexicologie Contrastive et
Sémantique Formalisée do grupo de Lingüística Aplicada a las Lenguas Románicas da
Universitat Autònoma de Barcelona, con vistas á construción dun dicionario electrónico
das expresións fixas dentro do sistema INTEX, centrámo-lo noso interese nos adverbios
compostos do catalán en particular. Os adverbios compostos constitúen unha das
categorías máis heteroxéneas dentro do conxunto destas expresións. Situámonos daquela
na perspectiva do lingüista informático, cuxa función é dar unha descrición formalizada
da súa lingua de traballo.
Por iso, presentaremos en primeiro lugar os postulados de base e a noción de adverbio
que subxacen ó noso estudo. De seguida definirémo-lo adverbio composto e finalmente
describirémo-lo módulo de adverbios organizados en 16 clases a partir da súa estrutura
interna, tamén evocarémo-la microestrutura do dicionario electrónico.
1. Marco teórico
1.1. O léxico-gramática
O noso marco de referencia é o do léxico-gramática, baseado na teoría transformacional
de Z. S. Harris (1976), tal e como foi elaborado por Maurice Gross (1975, 1990) e
desenvolvido por Gaston Gross (1995, 1996), sobre todo nas cuestións relativas á
semántica. O principio de base é que as propiedades sintácticas das palabras do léxico
deben analizarse no marco da frase elemental. Este principio oponse á práctica
lexicográfica corrente, que localiza o sentido nas palabras e supón a descrición
sistemática e a formalización estrita das frases de base da lingua, a partir das cales poden
derivar tódalas secuencias que pertencen a esta lingua. O programa do léxico-gramática
consiste en describir cada palabra da lingua nunha frase elemental e enumerar tódalas
transformacións desta frase. Estas descricións están formalizadas nuns dicionarios
electrónicos que serán implantados en sistemas de tratamento automático das linguas.
Tamén somos tributarios de certas propostas feitas por I. Mel’uk no marco da teoría
Sentido-Texto, principalmente no tocante á descrición dos semifrasemas.
1.2. Noción de adverbio: xeneralidades
O adverbio ten suscitado e suscita un interese constante por parte dos gramáticos e
lingüistas. O adverbio constitúe unha clase moi heteroxénea, razón pola que provoca
unha grande disparidade de opinións no que respecta á súa definición e clasificación.
2
12