NOTIM PËR MËSIM NË SHEKULLIN - Збирка на материјали за ...

REzULTATET
Është bërë analizë e informacioneve kthyese me shkrim. Për të është biseduar me nxënësit dhe është kërkuar mendimi i
tyre për dobinë e mënyrës së këtillë të notimit dhe informimit të ndërsjellë.
Konstatimet themelore:
 Më shumë se gjysma e prindërve e shkruan komentin e tyre, ndërsa të tjerët vetëm janë nënshkruar për të dëshmuar
kështu se e kanë lexuar informacionin kthyes të arsimtarit.
 Prindërit janë të kënaqur nga mundësia për të dorëzuar shënim me shkrim dhe kërkojnë edhe më tej të vazhdohet me
përdorimin e metodës së këtillë.
 Vërejtjet e prindërve kryesisht kanë të bëjnë me atë se ata janë të kënaqur me mënyrën e notimit dhe se janë të
vetëdijshëm se nxënësit nuk orvaten sa duhet, por ata në të ardhmen do t’u ndihmojnë nxënësve në mësime që ashtu
të arrijnë rezultate më të mira.
Ja si komentojnë prindërit:
“Ana gjatë mësimit i mban
mend të dhënat por nuk i
kupton shkaqet dhe pasojat
e ngjarjeve historike. Në
të ardhmen do t’i analizojë
mësimet që t’i kuptojë e jo
t’i mësojë përmendsh. Ne si
prindër në të ardhmen do të
angazhohemi më tepër që t’i
korrigjojmë gabimet.”
(Komenti i prindit të Anës)
“Konsideroj se bija ime
nuk e ka përvetësuar
sa duhet materialin, që
është rezultat i materialit
të vëllimshëm mësimor,
ndjekjes plotësuese të
kurseve etj. Shpresoj se në
të ardhmen se kjo gjendje
do të përmirësohet. Nëse ka
mundësi për orë plotësuese,
atëherë sigurisht se më
mirë do ta përvetësojë
materialin. Unë besoj në
sukses.”
(Komenti i prindit të Ivës)
ÂÂVërejta se nxënësit, duke qenë të vetëdijshëm se prindërit i kontrollojnë të arriturat e
tyre, ishin më të motivuar për mësim të rregullt dhe për kryerje të detyrimeve.
ÂÂShumica e nxënësve dëshirojnë ndryshime në notim, me qëllim që ai të bëhet më
objektiv dhe më real, si dhe t’i pasqyrojë të arriturat e tyre.
Për këtë çështje zhvilluam biseda me nxënësit ku ata i theksuan mendimet dhe vërejtjet
e tyre, pastaj kërkova që në mënyrë anonime t’i shënojnë mendimet e tyre në letër në
formë të informacionit kthyes për arsimtarin.
I kemi veçuar dy citatet të dhëna nga nxënësit:
“Pyetjet eseistike na nxisin të mësojmë më tepër, së paku mua më nxisin. Në të
duhet dhënë një numër i kufizuar i përgjigjeve. Nëse përgjigjet janë të kufizuara,
atëherë do t’i shkruajmë vetëm gjërat kryesore, nuk do të zgjerohemi më tepër
dhe nuk do t’i shkruajmë disa detaje të cilat nuk janë aq të rëndësishme. Nëse
dëshirojmë të arrijmë diçka më tepër, për këtë notim të ri duhet të orvatemi më
tepër.”
“Unë mendoj se kjo mënyrë e notimit është shumë e vështirë për mua për shkak
se kjo mënyrë është më reale”.
VETËREfLEKTIMI
ÂÂ Në këtë mënyrë krijova qasje në vështirësitë me të cilat
ballafaqohet nxënësi gjatë mësimit në shtëpi.
Për shembull, për shkak të angazhimit plotësues në kurse dhe për shkak të
materialit mësimor të vëllimshëm, nxënësja Iva has në vështirësi gjatë përvetësimit
të materialit mësimor në shkollë. Prandaj prindërit kërkojnë ndihmë që përmes
orëve plotësuese dhe përmes angazhimit të tyre personal ta përmirësojnë situatën.
Në rastin e Anës konstatoj se nxënësja më me vështirësi i zbulon shkaqet dhe
pasojat e ngjarjeve historike dhe më së shpeshti mëson përmendsh. Për këtë shkak
dituria e saj nuk është e qëndrueshme dhe cilësore. Këtë fakt do ta kem parasysh në
punën e mëtejme me nxënësit.
ÂÂ Prindërve është me rëndësi t’u shpjegohet se vërejtjet (shënimet) e tyre nuk
do të keqpërdoren për dënimin e nxënësit, por përkundrazi për përparim,
madje do të shërbejnë si ndihmë për tejkalimin e vështirësive me të cilat
ballafaqohen.
ÂÂ Prindërit duhet nxitur që ta shfrytëzojnë informacionin kthyes me shkrim për
t’u informuar lidhur me të arriturat e nxënësve.
Notim për mësim në shekullin 21 129