NOTIM PËR MËSIM NË SHEKULLIN - Збирка на материјали за ...

REzULTATET
Për të kontrolluar kur lloji dhe koha e dhënies së informacionit
kthyes ndikon te nxënësit, i krahasova reagimet e nxënësve
të grupeve të ndryshme lidhur me atë se:
ÂÂ Sa e ndjekin me vëmendje informacionin kthyes dhe
ÂÂ Si e shfrytëzojnë informacionin kthyes.
Kështu erdha në këto konstatime:
1. Nxënësve që nuk u jepej informacion kthyes, por vetëm
notë përmbledhëse, pak a shumë u liruan pasi e morën
notën dhe zakonisht nuk i kontrollonin testet dhe
zgjidhjet e tyre ose atë e bënin vetëm formalisht.
2. Nxënësit të cilët në fillim e morën notën e pastaj
informacionin kthyes, më shumë fokusoheshin në
elaborimin tim. Ata të cilëve u dha informacion kthyes me
shkrim disa herë i shkruanin dhe parashtronin pyetje për
disa mospajtime të caktuara dhe i mbronin qëndrimet e
tyre lidhur me zgjidhjet e detyrave.
3. Nxënësit të cilët në fillim morën informacion kthyes, e
pastaj e kuptuan notën, ishin më të angazhuar, dëgjonin
më shumë dhe kishin kujdes për çdo fjalë, me kujdes i
lexonin informacionet kthyese me shkrim.
Në të dyja paralelet është biseduar me nxënësit për atë sesi
dëshirojnë ata ta pranojnë informacionin kthyes dhe si mund
t’u shërbejë ai për ta përmirësuar mësimin.
Ky është mendimi i përbashkët i nxënësve të të dyja grupeve,
por edhe i atyre që nuk u përfshinë në informacion kthyes:
ÂÂ Në fillim duhet të tregohet nota e pastaj duhet të
jepet informacioni kthyes. Kur përpos informacionit
kthyes të hollësishëm jepet edhe nota, nxënësit janë të
padurueshëm dhe duan që sa më shpejt ta dinë notën.
ÂÂ Të gjithë nxënësit dëshirojnë të fitojnë edhe informacione
plotësuese përpos notës.
ÂÂ Më shumë dëshirojnë të marrin informacion kthyes
gojor. Disa nxënës konsiderojnë se informacioni i tillë
ngulitet më thellë në trurin e tyre dhe atyre gjatë kohë do
t’u kujtohen pjesë të caktuara të tij.
ÂÂ Informacioni kthyes me shkrim jepet dy deri në tre herë
në vit, me qëllim që të informohen prindërit e nxënësve.
ÂÂ Informacioni kthyes me shkrim u shërben si shënim
përkujtues që të shohin se cilat janë dobësitë e tyre me
qëllim që t’i përmirësojnë të arriturat e tyre.
VETËREfLEKTIMI
Unë konsideroj se do të ishte më së miri që
të kombinohen të dyja llojet informacionit
kthyes, ndërsa nxënësi vetë ta shënojë edhe
informacionin kthyes me shkrim, për shkak se
në pyetjen: Çka është shënuar në informacion
tënd kthyes? nxënësi menjëherë e kërkon
fletën që ta lexojë (ndonëse paraprakisht e ka
lexuar më shumë herë), por meqenëse e ka të
shënuar në letër, kurdoherë që i nevojitet mund
të përkujtohet në të.
Që t’i liroj nxënësit nga presioni i notës, do të
orvatem t’u jap informacion kthyes i cili nuk
është i shoqëruar me notë.
Pas dhënies së informacionit kthyes, nuk duhet
të pritet që nxënësi të ndryshojë plotësisht
dhe ta kuptojë udhëzimin e arsimtarit, prandaj
arsimtari duhet t’i ndjekë rregullisht të arriturat
e nxënësit, ta informojë dhe ta udhëzojë me
qëllim që ai të arrijë sukses më të madh.
Notim për mësim në shekullin 21 97