Sjá niðurstöður netkönnunarinnar um tækifæri í ... - Saf

Inngangur
Inngangsorð
Í þessari skýrslu koma fram meginniðurstöður netkönnunar
á heilsársferðaþjónustu sem framkvæmd var í
júní 2011. Könnuninni var ætlað að afla upplýsinga um
væntingar og viðhorf ferðaþjónustuaðila til ferðaþjónustu
utan háannar en hún er liður í undirbúningi á
stefnu mótun og átaki til eflingar heilsársferðaþjónustu.
Könn unin beindist að ríflega 1.500 eigendum, framkvæmdastjórum
og/eða ábyrgðaraðilum ferðaþjónustu
fyrirtækja um land allt.
Niðurstöðurnar sem settar eru fram hér eru án verulegrar
túlkunar. Lesandanum er ætlað að draga sínar
eigin álykt anir en jafnframt er umræddum gögnum ætlað
að vera hluti af stærra verkefni eins og fyrr segir.
Verkefnið var unnið af samstarfshópi sem samanstóð
af eftirfarandi aðilum:
• Karl Friðriksson, Nýsköpunarmiðstöð Íslands
• Guðrún Þóra Gunnarsdóttir, Háskólanum á Hól um
• Sigríður Kristjánsdóttir, Nýsköpunarmiðstöð
Íslands
• Sigríður Elín Þórðardóttir, Byggðastofnun
• Oddný Þóra Óladóttir, Ferðamálastofu
Starfsmaður hópsins var Haukur Johnson, hagfræðingur
og er hann aðalhöfundur skýrslunnar. Við í samstarfshópnum
þökkum honum góða vinnu og markviss
vinnubrögð.
Karl Friðriksson
Stjórn verkefnisins
Umrætt átak sem könnunin er hluti af er samstarfsverkefni
Samtaka ferðaþjónustunnar, Íslandsstofu, Icelandair,
Iceland Express, Samtaka atvinnulífsins, Ferðamálastofu,
Byggðastofnunar, Markaðsstofu ferðamála á Norðurlandi,
Menninga- og ferðamálasviðs Reykjavíkurborgar,
Sambands íslenskra sveitarfélaga, Alþýðusambands Íslands
og Nýsköpunarmiðstöðvar Íslands. Verkefnastjórn
verkefnisins er skipuð af eftirfarandi aðilum:
• Erna Hauksdóttir, Samtökum ferðaþjónustunnar
• Jón Ásbergsson, Íslandsstofu
• Þorsteinn Ingi Sigfússon, Nýsköpunarmiðstöð
Íslands
• Ólöf Ýrr Atladóttir, Ferðamálastofu
Verkefnastjórar verkefnisins eru þeir Hermann Ottósson
frá Íslandsstofu og Karl Friðriksson frá Nýsköpunarmiðstöð
Íslands.
Karl Friðriksson, framkvæmdastjóri hjá Nýsköpunarmiðstöð
Íslands var ábyrgðarmaður könnunarinnar.
Liður í því verkefni að ráðast í átak í vetrarferðaþjónustu
er að safna saman tölulegum staðreyndum og
brjóta niður eftir landssvæðum, gera lista yfir hugmyndir
að afþreyingu, þjónustu og framboði eftir svæðum,
gera lýsingu á hverju svæði sem lýsir getu og sérstöðu
með hliðsjón af ferðaþjónustu á lágönn og samantekt
á atriðum er varða styrk, veikleika og tækifæri á hverju
svæði. Í því skyni hefur meðal annars verið aflað gagna
hjá Hagstofu Íslands og í gegnum markaðsskrifstofur og
atvinnuþróunarfélög.
Umrædd könnun veitir gott tækifæri til að dýpka
þekkingu á viðhorfum ferðaþjónustuaðila til ferðaþjónustu
á lágönn, en sú þekking er mikilvæg til að hægt sé að
fara í markvisst og vel heppnað átak í heilsársferðaþjónustu.
Könnunin veitir upplýsingar um vilja og getu ferðaþjónustuaðilanna
sjálfra til að fjölga ferðamönnum hjá
sér á umræddu tímabili en einnig varp ar hún ljósi á
stöðuna í dag hvað varðar opnunartíma fyrirtækja, fjölda
gesta, veltu og fleira.
Spurningalisti
Spurningalisti könnunarinnar spannar mörg atriði sem
snerta starf ferðaþjónustuaðila utan háannatíma. Háönn
er skilgreind sem tímabilið júní til ágúst. Meðal annars
var kannað:
• Hvernig tekjur dreifðust yfir árið 2010
• Hversu mörgum gestum fyrirtækið tók á móti utan
háannatíma 2010
• Hvort fyrirtækið minnkaði umsvif sín yfir lágönn árið
2010 og hvort viðkomandi aðilar hafi þá aðhafst eitthvað
annað á meðan á tímabilinu stóð
• Hvert meginaðdráttarafl fyrirtækisins var á lágönn á
árinu 2010
• Hvort viðkomandi teldi raunhæft að lengja starfstíma
síns fyrirtækis
• Hvaða tækifæri viðkomandi hefur til að auka vetrarferðaþjónustu
á sínu svæði
• Hvað hindrar helst uppbyggingu á vetrarferðaþjón­
4 | Ísland allt árið