Sjá niðurstöður netkönnunarinnar um tækifæri í ... - Saf

Niðurstöður
Þátttakendur voru með opinni spurningu beðnir að
tilgreina allt að fimm atriði sem þeir sæju sem tækifæri
til að efla ferðaþjónustu utan háannar á þeirra svæði.
Alls sagðist tæpur þriðjungur sjá tækifæri í ferðaþjónustu
tengdri náttúru og útivist. Mörg atriði voru þar
nefnd til en meðal þeirra voru fuglaskoðun, norðurljósin,
vetur og myrkur, náttúruböð, fjalla- og jöklaferðir.
Tæp 27% nefndu til aukna afþreyingu, og áttu þá
yfirleitt við að ef tækifæri til afþreyingar yrðu aukin á
þeirra svæði þá myndu möguleikar til lengingar þjónustutímans
aukast. Ýmsir nefndu einfaldlega að auka
þyrfti afþreyingu en aðrir töldu til mismunandi tegundir
afþreyingar, og sköruðust þau svör stundum við svör
sem falla einnig undir aðra flokka, svo sem afþreyingarmöguleikar
tengdir náttúru og útivist eða sögu og
menn ingu. Meðal afþreyingamöguleika sem taldir voru
til má nefna ýmsa íþróttaiðkun, svo sem skíðaiðkun,
gönguferðir, skotveiði, fiskveiði, hestaferðir og fleira.
Alls sögðu um 14% að tækifæri lægju í markaðssetningu.
Margir nefndu að einfaldlega þyrfti að auk
amarkaðssetn ingu utan háannar en einnig nefndu
nokkr ir að breyttar áherslur í markaðssetningu þyrfti, t.d.
með því að auka áherslu á ákveðna markhópa, á borð
við Bandaríkjamenn og Vestur-Íslendinga, og að efla
markaðsstarf á netinu.
Um tíundi hver sem svaraði sagði að tækifæri lægju
í aukinni samvinnu ferðaþjónustuaðila á svæðinu eða á
öllu landinu.
Svipað hlutfall sá tækifæri í ferðaþjónustu tengdri
sögu og menningu, til dæmis með sögutengdri
ferðaþjón ustu, listasýningum og galleríum, tónlistarviðburðum
og fræðslu um íslenska menningu og
hefðir.
Rúm 8% nefndu að tækifæru lægju í því að bæta
samgöngur og áttu þá flestir við til þess að tryggja að
alltaf væri hægt að komast á þeirra þjónustustað. Einnig
var nefnt að betri vegir að ýmsum fossum og öðru sem
ferðamenn skoða myndi auka möguleika ferðaþjónustunnar
á því svæði.
Alls sögðu 7,05% að auka þyrfti úrval og töldu margir
til að auka þyrfti sérstaklega úrval á ýmsum pakkaferðum,
til dæmis fyrir mismunandi hópa, svo sem
vinnuhópa, eldri borgara og hinsegin ferðamenn, svo
dæmi séu nefnd.
Tæp 6% sáu tækifæri í heilsutengdri ferðaþjónustu.
Var lækningarmáttur jarðbaða og ýmis tækifæri til slökunar
meðal þess sem nefnt var í því samhengi. Sama
hlutfall talaði um að lengja þyrfti opnunartíma og var þá
til dæmis sérstaklega nefnt að söfn þyrftu að vera opin
allan ársins hring auk þess sem aðrir aðilar þyrftu að
sameinast um að hafa opið lengur á árinu. Einnig sögðu
tæp 6% að beint millilandaflug á flugvelli á landsbyggðinni
myndi skapa tækifæri, en flestir nefndu Akureyri í
því samhengi en Egilsstaðir voru einnig nefndir.
Um 4% sjá tækifæri í matartengdri ferðaþjónustu, til
dæmis með því að kynna íslenskan mat og matarhefðir.
Rúm 3% sögðu bætta aðstöðu, svo sem meira gistirými
og fleira, geta skapað tækifæri og svipað hlutfall taldi til
ráðstefnuhöld.
Alls töldu tæp 16% til hluti sem falla ekki undir þessa
flokka og voru þeir mjög mismunandi. Má þar nefna að
fjölga alþjóðlegum viðburðum, að stíla inn á skólafólk,
fræðsluferðir og að breyttar reglur stjórnvalda, t.d. varðandi
skatta. Tæp 6% svara áttu ekki við þar sem svarandi
vildi t.d. ekki svara spurningunni eða sagði hana ekki
eiga við.
Ísland allt árið | 55