Sjá niðurstöður netkönnunarinnar um tækifæri í ... - Saf

Niðurstöður
Þátttakendur voru með opinni spurningu beðinir að
tilgreina hvaða sóknarfæri þeir sæju í þjónustu utan
háannar á landinu öllu. Alls svöruðu 207 spurningunni.
Flestir sögðust sjá sóknarfæri í náttúru og útivist, eða
tæp 40%. Stór hluti þeirra sagði einnig að gera ætti út á
náttúruna að vetri til, t.d. norðurljós, myrkur og kyrrð, en
alls tilgreindu 34% þau atriði.
Rúm 18% sögðu að tækifæri lægju í menningu og
sögu. Var þá oftast minnst á sögutengda ferðaþjónustu
og ýmsa tónlistarviðburði en einnig handverk og listsköpun.
Tæp 16% sáu sóknarfæri í ýmis konar íþróttum en þá
var algengast að átt væri við skíðaiðkun. Einnig nefndu
margir veiði, jafnt skotveiði og stangveiði. Þá var einnig
talað um hestamennsku og jaðaríþróttir.
Alls 14% segja tækifæri liggja í ýmis konar heilsuferða
mennsku og einnig með því að bjóða upp á tækifæri
til hvíldar og slökunar.
Rúm 8% töldu til að tækifæri lægju í að bjóða upp
á fjölbreyttari pakka fyrir mismunandi hópa, til dæmis
fyrir starfsmanna- og hvataferðir og einnig fyrir alls kyns
aðra hópa.
Tæp 7% sjá tækifæri í matarmenningu, til dæmis í
fræðslu um hefðbundna íslenska matargerð en einnig
með veitingasölu. Sama hlutfall sér tækifæri í náttúrulaugum
en sá hópur greindi oft einnig til heilsuferðaþjónustu
og náttúruunnendur.
Tæp 6% sögðu tækifæri liggja í afþreyingu og var
þá meðal annars nefnt að auka þyrfti úrval á henni. Þá
sögðu rúm 5% að tækifæri lægju í ráðstefnuhöldum og
sama hlutfall tilgreindi ævintýraferðir og ævintýraferðamennsku,
sem gætu t.d. verið erfiðar ferðir sem eru
ekki á færi allra. Þá tilgreindu tæp 5% að tækifæri lægju
í aukinni eða ákveðnum tegundum markaðssetningar,
en oft var það ekki tilgreint frekar.
Rúmur fimmtungur tilgreindi svör sem ekki eiga við,
svo sem að þeir vildu ekki svara fleiri spurningum eða þá
að svör þeirra hafi komið fram í fyrri svörum.
Rúm 17% tilgreindu aðra hluti. Í töflunni hér að
neðan má sjá hvernig hluti þeirra svara skiptist.
Annað (alls 31,9%)
Svar Fjöldi Hlutfall
Lenging opnunartíma þjónustuaðila 8 3,9%
Fuglaskoðun 6 2,9%
Sveitalífið (t.d. réttir og búskapur) 6 2,9%
Samvinna 4 1,9%
Bættar samgöngur 4 1,9%
Bætt aðstaða/aðgengi 4 1,9%
Millilandaflug á landsbyggðinni 3 1,4%
Jarðfræðifræðsla 3 1,4%
Alls 38 18%
Ísland allt árið | 61