Sjá niðurstöður netkönnunarinnar um tækifæri í ... - Saf

Niðurstöður
Þátttakendum gafst kostur á að svara með eigin orðum
þeirri spurningu hvað þyrfti til að hægt væri að lengja
starfstíma þeirra fyrirtækis og svöruðu alls 276 manns.
Margir tilgreindu fleira en eitt atriði.
Algengast var að þátttakendur teldu aukna markaðs
setningu þurfa til, en alls svöruðu 35,14% því til.
Flest ir tilgreindu ekki sérstaklega hvernig þeir vildu auka
markaðssetningu en þeir sem komu með frekari lýsingar
vildu til dæmis auka markaðssetningu á jaðarsvæðum
(ekki bara á algengustu ferðamannastöðunum), og að
markaðssetja sérstaklega hluti tengda vetrinum, svo
sem norðurljósin, stjörnur og myrkur.
Rúm 12% sögðu að til að lengja opnunartímann ár
hvert þyrftu að koma til fleiri gestir á þeirra svæði. Var þar
til dæmis nefnt á að fá vetrarferðamenn til að gista meira
utan höfuðborgarsvæðisins, til dæmis þar sem hægt er
að skoða jökla, fara á skíði og njóta jarðbaða.
Tæp 12% sögðu bættar samgöngur þurfa til. Þar var
ekki einungis átt við bætt vegasamband heldur einnig
flugsamgöngur. Til dæmis nefndu þó nokkrir að reyna
ætti að fá ferðamenn til að fljúga beint til Akureyrar í stað
þess að lenda í Keflavík en til þess skorti framboð á flugi.
Þá kom fram að flugsamgöngur innanlands yrðu að vera
áreiðanlegar.
Tæp 8% sögðu að auka þyrfti framboð á afþreyingu
og þjónustu á þeirra svæði til að laða að fleiri ferðamenn.
Meðal þess sem var nefnt var ýmis menningarstarfsemi
og einnig ýmsar ferðir tengdar jöklaferðum og iðkun
vetraríþrótta, til dæmis. Þá var einnig talað um að gæta
þyrfti þess að hafa opið á gistiheimilum og veitingastöðum
yfir lágönn.
Sama hlutfall sagði bætta aðstöðu þurfa til. Var þar
talið til allt frá því að byggja þyrfti upp húsnæði og
fjárfesta í tækja búnaði, til bættrar internettengingar og
aðstöðu fyrir ferðaþjónustuaðila til að sinna störfum sínum.
Einnig sögðu tæp 8% að auka þyrfti samvinnu
í geiranum. Var þar jafnt átt við samvinnu á milli aðila
á viðkomandi svæði, samstarf við ferðaskrifstofur og
sam starf stofnana og ferðaþjónustuaðila um átak
vetrarferða þjónustu. Var þá oft minnst á samstarf í markaðssetningu.
Tæp 7% svöruðu því til að breytt hugarfar þyrfti í
greininni. Þau svör voru oft svipuð og hjá þeim sem kölluðu
á aukna samvinnu því mikið var talað um að auka
þyrfti á almenna samstöðu. Til dæmis þyrftu fyrirtæki
að standa saman í því að hafa opið utan háannar, vera
þolinmóð og sýna áræðni og þor. Þá þyrfti að fá fólk til
að taka frí á veturna líka en ekki bara sumrin.
Um 5% sögðu að reyna þyrfti að lengja háönn. Var
þar ýmist átt við að láta hana hefjast fyrr á vorin og enda
síðar á haustin, en einnig að reyna almennt að gera
vetrar tímann að meiri annatíma. Sama hlutfall talaði um
að aukið fjármagn þyrfti að koma til svo hægt væri að
byggja upp heilsársferða þjónustu.
Rúm 2% sögðu að breytingar af hálfu stjórnvalda
þyrftu að koma til, t.d. á skattaumhverfi og regluumhverfi
er snýr að veiðitíma og leyfi til starfa. Þá sagði
um 1% að veður þyrfti að verða betra og tæpt 1% sagði
að verðlag væri of hátt. Alls sögðu um 9% að spurningin
ætti ekki við, aðallega vegna þess að þeir væru þegar
með starfsemi allt árið.
Ísland allt árið | 51