Sjá niðurstöður netkönnunarinnar um tækifæri í ... - Saf

Niðurstöður
Þátttakendur voru með opinni spurningu beðnir að
tilgreina með hvaða hætti þeir teldu best að markaðssetja
ferðaþjónustu utan háannar.
Alls svöruðu 193 spurningunni en þar af voru 23 sem
tilgreindu svör sem ekki eiga við til dæmis vegna þess
að þeir sögðust ekki vilja svara eða þeir vissu ekki svarið.
Flestir, eða 22,3%, sögðu að best væri að markaðssetja
ferðaþjónustu utan háannar á netinu. Einnig töldu
nokkrir fram sérstaklega notkun samskiptasíða á borð
við Facebook til almennrar kynningar en einnig til að
skipuleggja leiki eða samkeppnir til að draga athygli að
viðkomandi síðu. Þá var myndbandasíðan Youtube einnig
nefnd í þessu samhengi.
Rúmlega 18% vildu auglýsa í fjölmiðlum með beinum
eða óbeinum hætti. T.d. með því að birta auglýsingar
í blöðum eða þá að reyna að fá umfjöllun í erlendum
sjónvarpsþáttum. Einnig voru þeir sem vildu útbúa
kynn ingarbæklinga í þessum hópi, alls þrír.
Alls 28, eða 14,5%, vildu nýjar áherslur í markaðssetningu
og ímyndarsköpun og voru flest svör á þá leið
að markaðssetja ætti veturinn sérstaklega og gera út á
þætti eins og myrkur og jafnvel vont veður. Einnig vildu
margir sjá aukna áherslu á norðurljósin. Þá var nefnt að
hægt væri að auglýsa hagstætt gengi og eins þætti eins
og gestrisni þjóðarinnar.
Um það bil tíundi hver taldi vænlegast að samvinna
yrði aukin og að farið yrði í sameiginlegt átak þar sem
landið í heild sinni yrði markaðssett. Helmingi færri,
eða rúmlega 5%, vildu að landið yrði kynnt með því að
bjóða erlendum ferðaþjónustuaðilum í kynningarferðir
til landsins.
Tæp 4% töldu best að leggja áherslur á pakkaferðir
bæði fyrir einstaklinga og hópa og var þar komið inn
á að ferðaþjónustuaðilar gætu starfað saman við að
mynda slíkar lausnir fyrir viðskiptavini.
Sama hlutfall vildi að lögð yrði áhersla á að markaðssetja
einstök svæði sérstaklega í stað þess að markaðssetja
landið í heild, t.d. með klasasamstarfi.
Rúm 3% töldu best að kynna þjónustu sína á ferðakaupstefnum
og sýningum.
Alls fimm aðilar, eða 2,6%, töldu beina markaðssetningu
ákjósanlegasta og sama hlutfall taldi samstarf við
erlenda aðila, t.d. ferðaskrifstofur og auglýsingastofur,
vænlegast. Sama hlutfall vildi svo leggja áherslu
á íslenska náttúru og ýmis atriði sem þegar þekkjast í
markaðssetningu á Íslandi.
Þrjátíu aðilar töldu til önnur atriði en hér á undan
hafa verið talin. Þar af nefndu þrír samstarf við ferðaskrifstofur
og flugfélög, þrír nefndu að skipuleggja ætti
viðburði til að draga að ferðamenn, þrír vildu leggja
áherslu á ævintýralegar upplifanir og tveir töldu vænlegast
að bjóða upp á tilboð.
Önnur atriði sem minnst var á var að reyna að fá
ferðamenn sem áður hafa komið til að koma aftur, að
afmarka markhópa betur, að gera út á hesta og að reyna
að láta frétta af landi og þjóð af afspurn. Einnig var nefnt
að hreinskilni um veðurfarið ætti að vera til staðar í kynningum.
66 | Ísland allt árið