Dat Letzt - Quickborn. Vereinigung für niederdeutsche Sprache und ...

CARL GROTH
To To Besöök Besöök in in Mölln
Mölln
„Platt för Land un Lüüd“ heet dat Drapen vun de nedderdüütschen Autoren
an’ 12. Mai. Dorto harr nu al ton tweten Mal de Stiftung Herzogtum
Lauenburg opropen un inlaadt. Sinn vun düt Veranstalten is, dat
möögligst veel plattdüütsche Autoren sik vörstellen köönt – ahn Rücksicht
op jehre Bekanntheit. So schüllt so veel as möögli Impulse geven
warrn för de nedderdüütsch Spraak. Un opto schüllt de Schrieverslüüd
eenanner kennen lehren – man de mehrsten kennt sik ja al siet Johr’n.
Na allerlei Wöör ton Begröten vun Veranstalter un Politiker hett Dr.
Schuppenhauer en’ Vördrag holl’n to „Uns Platt, de Staat un wi – über
Geltung und Pflege niederdeutscher Sprachkultur“. Na sien Vördrag,
de teemlich pessimistisch utleggt weer, kunnen de Besöker bi Musik
vun de „Liekedeler“ eers mal wedder to Luft un Aten kamen.
Na’n kotte Koffipaus güng’t för de meist föfftig Besöker endli los mit de
Autoren-Lesungen. 27 Autoren kemen över de hele Dag in dree Rüüm
dorto (simultan, seggt ’n dorto woll), dat elkeen in föffteihn Minuten
mit utsöchte Texte sik vörstellen kunn. Dorbi is den een’ oder annern
wat ut de Nääs gahn; een kann ja nich allerwegen to glieke Tiet ween.
Aver, wat ik an Texten to hörn kreeg, kunn sik ok würkli hören laten! De
schüllt nahsten in en Dokumentation tosamenbröcht rutgeven warrn.
Na Middagstiet un Koffipaus un jümmer wedder Lesungen un en Avendeten
geev’t en’ furiosen Afsluss mit de Musikers vun de Liekedeler.
Un dat weer woll Klock teihn, ehrer de Lesden güngen un de Musikers
ok ehr Ruh verdeent harrn.
En Dag vull gode un niege Beleevnisse weer dat, de in tokamen Johr’n
– denk ik – wedder veranstalt’t ward. De Initiatoren un Volker Holm as
Mit-Organisator kann’n blots Dank seggen!
30