Dat Letzt - Quickborn. Vereinigung für niederdeutsche Sprache und ...

Rundschau
düütsch anbeden, finnt aver keen Dozenten.
Een, de neudig Platt-Dozenten
söcht, is Hannelies Ettrich vun de
Volkshoogschool Bargteheide. Ok in
Bönningstedt, Kreis Pinneberg, ward
een bruukt. Man dat Platt-Zentrum
meent, dat ward jümmer sworer, weck
to finnen. Plattnet/hjm
RELIGION UND KIRCHE
Plattdüütsche Karkendag 2008 in
Sleswig
Gertrude von Holdt-Schermuly (Niebüll)
un Paster Peter Schuchardt
(Bredstedt) sünd Vörstandsliddmaten
in‘n Arbeidskring Plattdüütsch in de
Kark för Sleswig-Holsteen un Hamborg.
Se treckt Bilanz. Egentlich hebbt
wi allens, wat för’n plattdüütschen
Goddsdeenst neudig is: dat plattdüütsche
Ole un Neje Testament, dat plattdüütsche
Gesangbook. De plattdüütsche
Landskarkendag in Lübeck lest
Johr weur swor to organiseern. Dat
Ümbi weur dor nich mehr so vääl plattdüütsch.
De tokamen Karkendag 2008
schall in Sleswig över de Bühn gahn.
Een Fraag, de dor verhackstückt ward,
schall dat Utbillen in Platt wään. Bi de
jungen Pastoren un Pastorinnen süht
dat mit Plattdüütsch nich sünnerlich
good ut. Dör den Generatjoonswessel
brickt dor vääl weg, denn bi jümehr
Utbillen steiht Plattdüütsch nich up’n
Plaan. Egentlich weur en Plichtseminar
neudig, so Holdt-Schermuly. Denn bi
Hochtieden, Deupen, Gräffnissen oder
Gollen Hochtieden ward faken Plattdüütsch
wünscht. Dat is heel normaal
un en fasten Deel vun uns Karkenläven.
Plattdüütsch Zentrum Leck/Plattnet
hjm
70
THEATER, KINO
Arnold Preuß wedderwählt
An’n 14. April hebbt in Neeborg (Neuenburg,
Kreis Freesland, Neddersassen)
all, de dat Leit över plattdüütsche
Bühnen in Neddersassen un Brämen
harrn, Arnold Preuß as Vörsitter vun’n
Bühnenbund wedderwählt. Preuß
kreeg all 17 Stimmen vun de Bühnen.
De gröttste Upgaav in Preuß sien neje
Amtstied is dat Theaterfestival för junge
Lü, 20. bet 22. Juni 2008 in Neeborg.
Achterran kummt de gemeensame
Bühnendag vun de dree norddüütschen
Bühnenbünn 2009 in Wilhelmshaven.
Babento hett Preuß jümmer
noch dat Leit över de Nedderdüütsche
Bühn Wilhelmshaven (Theater
am Meer). Ok eenstimmig is
Astrid Gries in’t Präsidium wählt
worrn. Se is Vörsittersch vun’t nedderdüütsche
Theater in Osterholz-
Scharmbeck un hett sik in’t Präsidium
üm Nawuss, sünnerlich vun Deerns un
Jungs, en Kopp to maken.
De Theater-Zedel/hjm
Plautdietsche Film in Cannes mit bi
Der Film „Stellet Licht“ (Silent Light)
vun Carlos Reygadas weur een vun de
bummelig twintig Filme, de sik bi dat
Filmfest in Cannes in de twete Maihälft
üm de Gollen Palm bewarven dään.
In’n Film, de heel un deel up Plautdietsch
aflöppt, geiht dat üm’t „Läven
mank Mennoniten“. En Schauspälersch
ut Kanada müss extra för düssen
Film Plautdietsch lehrn. Wat dat för
de Gollen Palm langt hett, wüssen wi
nich, as wi düt Heft klormeuken. Man
wi gleuvt nich, dat sik de plautdietsche
Film gegen de ganz Groten as Fatih