Dat Letzt - Quickborn. Vereinigung für niederdeutsche Sprache und ...

de Tokunft vun’t Plattdüütsche säkert
warrn schall, denn bruukt wi dor ok bi
uns en Rahmen vun Gesetten to, up
den’n sik verlaten kann. INS/hjm
5000 Indrääg bi Wikipedia up Platt
Siet 2003 gifft dat Wikipedia up Platt,
dat Wörbook in’t Internet, wo de Lü
nich bloots nakieken un läsen, sünnern
ok sülven wat indrägen künnt. Alleen
in de eersten twee Maanden in düt Johr
keumen mehr as 1250 Artikel hento, un
Anfang März harrn wi den fiefdusendsten
Indrag. Plattnet/hjm
Follbladd over de Waddensee up Platt
„Van Harten willkomen in uns Nationaalpark“
heet en Follbladd (up Dütsk:
Fyer) up oostfreesk Platt, wat dat Bestür
van de Park Nedersassisk Waddensee
nu rutbrocht hett. Adolf Sanders ut
Nörden hett de hoogdütske Text oversett.
Cornelia Nath van’t Plattdütskbüro
meende, ok in de Scholen is dat
Bladd good to bruken, denn d’r kann
’n all de plattdütsken Namen van de
Planten un Deerten mit lehren. Adolf
Sanders namm för sien „Projekt“ (alls,
för, dat du dien Fingers krumm maakst,
is ja vandag en „Projekt“) kien Geld.
Dat Bladd köst nix, to kriegen is dat bi
dat Nationaalparkbestür un bi de Oostfreeske
Landskupp in Auerk.
Plattnet/hjm
Up Platt dör Staad
De Stade-Tourismus GmbH büddt an,
sik up Plattdüütsch de smucke Ooldstadt
vun Staad antokieken. Kösten deit
dat fief Euro. De Rundgang fangt jümmer
an bi de Tourismus-Information
an’n Haben, Hansestr. 16, 21682 Stade,
un duurt annerthalf Stunnen. De Termi-
Rundschau
ne: Sünndag, 29. Juli, Klock halvig dree,
un Middewäken, 3. Oktober (Fierdag!),
Klock halvig twölf.
www.stade-tourismus.de/hjm
Na Amerikaners mit plattdüütsche
Wötteln
„Routes to the Roots“ heet en Programm,
dat siet 1997 löppt un ünner
dat Leit vun Dr. Wolfgang Grams in
Ollenborg steiht. Elkeen Johr geiht dat
na Amerika na Minschen, de ut dat Ollenborger
Land oder Oostfreesland
stammt. Düt Johr fang de Törn an’n 21.
Oktober an vun Brämen na Chicago,
Illinois, Iowa, Nebraska, „Little Oldenburg“,
Kansas, St. Louis, Damperfohrt
up’n Old Man River. An’n 3. November
heet dat denn „home again“ vun Chicago.
Info: Routes to he Roots, Dr. W.
Grams, Babenend 127, 26127 Oldenburg,
Tel. 0441/9620433.
www.routes.de
Bi’t Oprümen, as’n so seggt, funn uns
Vörsitter
düt Bild ut 1979, wat opnahmen wurr
bi de Nedderdüütsche Dage.
Wi sehen vun links: Friedrich Schäfer,
Traute Dittmann, Gerd Spiekermann,
Ursel Meyer un em, de düt „Tietdokument“
funnen hett, Dirk Römmer.
75