Dat Letzt - Quickborn. Vereinigung für niederdeutsche Sprache und ...

teln in’t byzantinisch Christentum un
is sowat üm 650 rutkamen. Dat geiht
üm ’n Preester, de de Kark den Rüch
dreiht hett, wiel dat he to ehrgiezig
weer, un de sik den Düvel verschreven
hett. Dörch de Vörbeed vun de
Mudder Maria warrt he wedder op
den rechten Weg bröcht.
In’n 8. Johrhunnert hett Paulus Diaconus
(720-795) an den Hoff vun Karl
dem Großen dat in de latinsch Spraak
översett, so kunn de Stoff för Gottesdeenste
bruukt warrn. Man is sik seker,
dat de Text ’n wichtig Anstöten för
den Faust-Stoff worrn is. Seker is: de
Legend is to dat Verherrlichen vun de
Gottesmudder Maria schreven worrn.
Dat nedderdüütsch Drama vun Theophilus
is in dree Forms överlevert. De
öllst kann man hüüt in de Herzog-August
Bibliothek in Wolfenbüttel finnen.
De Urform vun vör 1400 is verloren
Rezensionen
gahn. 1888 is de eerst Arbeit in uns
Nedderdütsch, so as dat hüüt snackt
warrt, rutkamen. Denn gifft dat ok
noch een vun 1950. De middelnedderdüütsch
Utgaav vun Robert Petsch vun
1908 is Vörlaag för de Textgrundlaag,
de en Grupp ünner Helmut Glagla för
den Karkendag 1981 in Hamburg rutarbeidt
hett. Disse Textgrundlaag
deent ok dat Opföhren vun den
Theaterverein Rellingen.
Dirk Römmer harr de Regie. He hett –
allerbest – sien Spelers to en Eenheit
formt. De Spraak, kloor un hart, denn
wedder hell un trööstlich, wiest op, to
wat uns Plattdüütsch instann is.
Tim Redeker is en Theophilus, den
man sien Afwennen un siene Twiefel
un ok sien Trüchwennen glöövt. Em
to Siet Erhard Niemann as Satanas. He
erinnert stark an den Mephisto in’n
„Faust“ un is man eenmal präsent. Ok
Hannelore Koebe as Maria röögt an.
Ehr to Siet ehr Söhn Jesus (Anton
Knuth). Se beid sünd en Eenheit. Manfred
Eckhof hett as Preester keen eenfach
Rull, de he fein in’n Griff hett. Dat
Stück leevt vun de Spraak, un dat dat
röverkümmt, is Regisseur un Theatergrupp
man eenmal goot glückt. Wenn
dat „Kirchenvolk“ (mit lütt Kinner) sik
breet maakt, leevt de Karkenruum. De
Orgel bruus op ...
Man kann den Theaterverein Rellingen
blots Dank seggen, dat he sik an
dit Mysterienspeel rangwaagt hett.
Dank an all, de dormit to doon harrn!
Dat Publikum güng vull Moot rut in de
Nacht un hett ’n Barg to’n Nadenken!
„Der Teufesbündner Theophilus“
Ein Mysterienspiel des Mittelalters –
Niederdeutsch vun Helmut Glagla.
59