Fieberkurve

Fieberkurve
17. Rekapitulation
Glauser sitzt am Tisch und schaut sein Manuskript
durch.
Glauser Guet. Zwei toti Fraue, eini z Basel, eini z Bärn. Die
einti het e Tochter, d Marie, die ander het Gäld. Und
denn no die toti vom “Wilde Ma”, d Ulrike Neumann.
En Fingerabdruck wo ned passt. Es Teschtmänt.
Ölfälder z Gurama. En Hellseherkorporal, en wiisse
Vatter, en tote Geolog, de Stiefbrüeder vom wiisse
Vatter. Und zmittst drin de Studer. De Grossvatter, de
Maa vo der Hedy, wo sich i d Marie… het er sich
würklich i sie verlueget? – Ällwä de scho! – De grossi
Fall. Er muess uf Marokko, de Studer, zu de Legionäre,
de frömde. De Frömdeleginäre, zu de Frömde, i d
Frömdi. Ohni de Schutz vom Amtshuus z Bärn, de
gölete Böde… de… das isch guet eso.
Zerscht: Paris. Madelin.
Glauser steht auf und spielt.
Studer Bonjour Monsieur Madelin.
Madelin Ah, Bonjour Studère, qu est-ce qu’il y a?
Studer Ich bruuche Informatione.
Madelin Mais bien sûr, Stüdère.
Studer Die Mannesmann-Brüedere, die wo hiigrichtet worde
sind.
Madelin Da muss ich im Kriegsministerium nachfragen.
Studer Vous avez des … eh … hend Sie Beziehige?
Madelin Mais bien sûr, Stüdère. – Übrigens, dieser Koller, der
ist jetzt in der Fremdenlegion, heisst dort Despina.
Studer Aha.
Madelin Also, Stüdère, morgen Abend bei mir.
Glauser Aber won er dört isch, de Studer, biim Madelin vor de
Huustüre, isch ken Madelin ume. Alls Chlopfe nützt
nüt.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 35-