You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Transcription of MS R<br />
575 Souuent lapelent non feeil<br />
Quar trop se targe desconser<br />
Et si fait la nuit demorer<br />
Dient qua escient le fait<br />
Pour destourbance de lor plait<br />
580 Li jours sen uait la nuis repaire<br />
Et li termes de lor afaire<br />
Montent les guetes sor les murs<br />
Cil se dorment qui sont segurs<br />
Mes nulz des .ii. ne se repose<br />
585 Ains est en apens dautre chose<br />
Chascuns en soi meismes soigne<br />
De bien emprendre sa besoigne<br />
Or sont li cuer en esperance<br />
Et non pourquant sont em balance<br />
590 De ce sil le facent ou non<br />
Mes uolentez oste raison<br />
Delitent soi ou dous penser<br />
De ce quil doiuent assambler<br />
Et deuisent en lor corages<br />
595 Lor mors lor deulz et lor damages<br />
Il ont andui ioie et dolour<br />
Mes toutes ores uaint amour<br />
Sens ne raison nes puet retraire<br />
De ce quil ont empris a faire<br />
600 Ia ert la gent toute endormie<br />
Quant tysbe sest desauancie<br />
Lieue dou lit ou elle gist<br />
f. 95r col. a Tout belement de la chambre ist<br />
Ne la tint huis ne fermeure<br />
605 De la chambre ist toute segure<br />
Sole par nuit et sans paour<br />
Tel hardement li done amour<br />
Quant fu issue dou palais<br />
Et elle deualoit em pais<br />
610 Si mist auant le pie senestre<br />
Puis esgarda par deuers destre<br />
Senti tout le palais fermir<br />
Et uit la lune a empalir<br />
Quant ot esgarde tout entour<br />
615 Onques pointe nen ot paour<br />
Quel ne parface son afaire<br />
A quel fin quele en doie traire<br />
Ia ert desi quas murs uenue<br />
Quant une gaite la ueue<br />
620 Et quant a cele hore la uoit<br />
Cuide cune deesse soit<br />
Trait soi arriere ne lapele<br />
101