PIRAMUS ET TISBÉ

Piramus et Tisbé
Et jeünent plus que lor droit
50 Et lor aëz ne requeroit.
Par matinet chascun s’en emble,
Si vont le jour jouer ensamble,
Deduient soi o les enfans
De lor aëz et de lor tans.
55 Le jour pensent d’eulz esgarder,
Qu’il ne s’en pueent saoler;
Tart revienent a lor ostaulz
Quar li departirs lor est maulz.
Plaist lor a faire mainte chose
60 Dont l’en moult les manace et chose.
Tant com jaspes sormonte voirre,
Et or argent, et primevoire
A la marouste sormonté,
f. 91v col. b Tant sormontoient de bonté
65 Et de valour et de biauté
Cil dui tous ceulz de la cité.
Par grant conseil et par grant cure
Et par grant sens les fist Nature.
Tant com lor aëz fu contraire
70 A ce qu’Amours requiert a faire
Et il furent dedens dis ans,
Fu assez lor licence grans
D’aler ensamble et de parler,
D’esbanoier et de joer.
75 Li douz regars, li simples sens
Et li non convenables temps,
Et que nulz biens n’est sans envie
Et nes uns sers sans felonie
Les fist departir et garder,
80 Qu’il ne porent ensamble aler.
Uns sers perçut lor contenance
Et dist: ‘Or sai je sans doutance
Que moult s’entraiment cil enfant,
Et se il fussent auques grant
85 Et il eüssent tel lesir,
Griez chose fust dou departir.’
A la mere a la damoisele
Porta li sers ceste novele
Et cele dist: ‘Des or t’en tes,
90 Quar il n’assambleront ja mes!’
Puis dist a une chamberiere:
‘Garde, se tu m’as de riens chiere,
Que Tysbé n’isse fors de l’us
Et quel ne voie Piramus.’
95 Adont leva uns maltalans
Entre les peres aus enfans,
36