You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Piramus et Tisbé<br />
f. 92r col. b Et com plus me dueil plus mesprent<br />
145 Ie mens certes ains est ardour<br />
Qui ensi uient de iour en iour<br />
Si taint ma face et ma coulour<br />
Com fait la fueille la froidour<br />
He piramus quel la feras<br />
150 En quel guise te contendras<br />
Hay pere qui mengendras<br />
Pourquoi<br />
Nas tu ore pitie de moi<br />
Se tu ne prens autre conroi<br />
155 Ou par enging ou par desroi<br />
Tysbe bele que te uerrai<br />
Ou se ce non pour toi morrai<br />
Saches se par amours ne tai<br />
Que par force te rauirai<br />
160 La mort<br />
Iert mon refuge et mon confort<br />
Saulques me tient cis malz si fort<br />
Ou se longues mest cis tors fais<br />
He: dieux pourquoi nest fais cis plais<br />
165 Que nos parens fussent em pais<br />
Neussons mie tant dagais<br />
Ne ie ne puis tant esploitier<br />
Que ji trouuaisse messagier<br />
Que ie li peusse enuoier<br />
170 Cui chault<br />
Ne monte riens se dieux me sault<br />
Hay peres qui mains en hault<br />
Estain le feu qui si massault<br />
Le feu<br />
175 Qui ma tolu et ris et jeu<br />
Ne puis guerir en nesun leu<br />
Amie<br />
Pour uous est ma coulour perie<br />
Mon cors naure ma chars percie<br />
180 Bele pour uous despens ma uie<br />
Ien plours<br />
Consentez moi li dieux damours<br />
Quencor la tiengne nuit ou jours<br />
Ou a leesce ou a dolours<br />
185 Pasmer<br />
Mestuet. errant ne puis parler<br />
Or sui hetiez or uueil plorer<br />
Ore ai grant chault or uueil trambler<br />
f. 92v col. a Ains quil peust son duel fenir<br />
190 Li prist la face a empalir<br />
En lermes et en plorement<br />
92