PIRAMUS ET TISBÉ

Piramus et Tisbé
A tort
530 Ai je perdu joie et deport;
Riens ne me puet doner confort;
Par grant angoisse atens la mort.
Le jour
Je sui en lerme et en freour
535 Et en angoisse et en dolour
Et en torment et en tristour;
La nuit
N’ai je ne deport ne deduit.
Quant je me gis dedens mon lit,
540 Riens n’oi,
S’en sui en paine et en esfroi;
f. 94v col. a Si m’est avis que je vous voi,
Et ne poez parler a moi,
Dont sui pires que ne soloi.
545 Tressaill,
Tressu d’angoisse et de travail;
Dont tens mes mains que je vous bail,
Et quant vous doi prendre, si fail.
Amis,
550 Quant me rendors, si m’est avis
Que vous estes devant mon vis,
Tous dehaitiez et tous pensis.
Diex donge
Que biens me viengne de cest songe!
555 Dont mest avis que me semonge
Sovent
Ne sai quel vois, en complaignant,
Qui ce me dist apertemant
Ensi:
560 ‘Tysbé, cognois tu ton ami?
Esveille toi, s’alons de ci.
Tysbé,
Li dieu nous ont amonesté
Que issons fors de la cité,
565 Souz le morier,
Droit a la fontaine au gravier:
La nous porrons esbanoier.’
Amis,
Dites qu’il vous en est avis.
570 De m’amor vueil que soies fis
Pour voir.
Je m’emblerai dou premier soir,
A mienuit irai savoir,
La fors,
575 S’i trouverai le vostre cors.
Amis, ta vie est mes tresors;
56