You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Piramus et Tisbé<br />
Rose tenree. et lis noueaus<br />
Flors de toz autres damoisaus<br />
Naies cure de quanque di<br />
De poor ai le cuer marri<br />
245 Mais uoz parenz sont enuious<br />
Et le mien sont de moi ialous<br />
Ne monte rien de deus me salt<br />
Or sent mon cuer or a trop chalt<br />
A poi ferai por uos .i. salt<br />
250 Que ai ge dit riens ne moi lasse<br />
Li maus qui si souent me lasse<br />
Li dieus damors le me consente<br />
Ou bel me soit ou men repente<br />
Quantre mes bras en la sante<br />
255 Ci fenirai ma plainte en lermes<br />
Pasmer mestuet or est li termes<br />
Ainsi face par chascun di<br />
Tel fie tiegne de mon ami<br />
f. 99r col. a La pucele est .iii. foiz pasmee<br />
260 Et quant ele sest releuee<br />
An.ii. ses mains uers le ciel tent<br />
A dieu prie molt humblement<br />
Quil li doigne conseil trouuer<br />
Qua son ami puisse parler<br />
265 Prochain furent li dui palais<br />
Et en tele maniere faiz<br />
Cune paroiz et .i. mur seus<br />
Estoit deuise dambe .ii.<br />
Endroit la chambre la dedenz<br />
270 Ou conuersoient mains de genz<br />
Ou la pucele ert enfermee<br />
Fu la poroiz .i. peu creuee<br />
Et fu celee par molt danz<br />
La creuace niert gaire granz<br />
275 Desi quamors la fist trouuer<br />
Uers qui riens ne se puet celer<br />
Quel chose est ce quamors ne sent<br />
Li dui amant premierement<br />
Aparcurent celui pertuis<br />
280 Premiers tysbe puis piramis<br />
Tysbe trouua la creueure<br />
Prist le pendant de sa ceinture<br />
Sen fist outre le fer ueoir<br />
Que ses amis puist parceuoir<br />
285 Piramus uient de deporter<br />
De ses doulors reconforter<br />
Uait a la chambre coile soi<br />
torne ses elz uers la paroi<br />
116