You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Transcription of MS R<br />
865<br />
870<br />
875<br />
880<br />
885<br />
890<br />
895<br />
900<br />
Parler i ueult mes il ne puet<br />
Quar la mort qui le tient ne let<br />
Mes tant a dit tysbe amie<br />
Pour dieu qui uous remist en uie<br />
Atant se taist ne puet plus dire<br />
Puis la regarde si souspire<br />
Li cuers li part si pert la uie<br />
Cele lesse toute esmarie<br />
Cil est mors et cele est pasmee<br />
Diex quele amours est ci finee<br />
La pucele sest redrecie<br />
Lespee a a .ii. mains sachie<br />
Parmi le pis sous la mamele<br />
Se tresperce la damoisele<br />
Dambedeus pars sault li sans fors<br />
Et cele chiet dessus le cors<br />
Le cors acole et si lembrace<br />
Les iex li baise et bouche et face<br />
Baise la bouche par grant cure<br />
Tant com sans et uie li dure<br />
Se demoustre ueraie amie<br />
Cil est fenis cele est fenie<br />
En tel maniere sont fine<br />
Li dui amant par loiaute<br />
Ensi se moustrent urai amant<br />
Quar il sont de fin cuer amant.<br />
Quar li uns deulz ne uaudroit estre<br />
Ou paradis au roi celestre<br />
Et li autres si fust ici<br />
Se il nestoit aueuques lui<br />
Ensi com la fable recorde<br />
Qui a uoire istoire sacorde<br />
Sentramerent les .ii. amans<br />
Si fu teulz lor departemans<br />
Que lun se mist pour lautre a mort<br />
Et quant il furent andui mort<br />
Li parens qui mors les trouerent<br />
En .i. seul tomblel les poserent<br />
Et la more qui lors ert blanche<br />
Deuint noire dessus la branche<br />
Si recut sanguine colour<br />
En signe de cele dolour<br />
[min]<br />
[min]<br />
107