You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Piramus et Tisbé<br />
Ma mis amours sans forfaiture<br />
He diex comme est sa uie dure<br />
Qui longuement teulz maulz endure<br />
La pucele de lautre part<br />
340 Est en escout et en esgart<br />
De la parole entent lesfroi<br />
Torne ses iex uers la paroi<br />
Met son oeil endroit la creuace<br />
De son ami connut la face<br />
345 Parler cuide mes el ne puet<br />
Pour lamour qui si la commuet<br />
Ou premerain esgardement<br />
Fremist souspire et si esprent<br />
Tressault tramble et si tressue<br />
350 Taint sa color et si li mue<br />
Porpense soi quele li die<br />
En soi meismes sentroblie<br />
f. 93v col. a En tantes guises la destraint<br />
Amours. qui toutes choses uaint<br />
355 A la parfin sest pourpensee<br />
Si sest un poi asseuree<br />
Met sa bouche endroit la fendure<br />
Emprez parole en tel mesure<br />
Amis ensi uous os nomer<br />
360 Ce ne me puet on pas ueer<br />
Ne me puis pas uers uous celer<br />
Uostre proesce uueil gaber<br />
Premiere soi conseil trouuer<br />
Com peussons ci assambler<br />
365 Quar cui plus aime plus uoit cler<br />
Griement uous oi desconforter<br />
Mes poi sauez que est amer<br />
Encor uous en poez ioer<br />
A moi lessiez le duel user<br />
370 Cui riens ne puet confort doner<br />
Ioie ai changiee por plorer<br />
Pour dolereus complains ieter<br />
Et leesce pour gamenter<br />
Soef dormir por grief penser<br />
375 Ieu et delit pour souspirer<br />
Amis ne puis or plus ester<br />
Souspirs me tolent le parler<br />
Pensez demain dou retorner<br />
Plus a loisir porrons parler<br />
380 Et li uns lautre conforter<br />
Ne pot lors plus parler a lui<br />
Ensi departent ambedui<br />
Li jours sen uait la nuis prist fin<br />
96