Create successful ePaper yourself
Turn your PDF publications into a flip-book with our unique Google optimized e-Paper software.
Transcription of MS B<br />
Ua sen isnelement mucier<br />
Soz lombre dun alemandier<br />
Li lions uint a grant esfroi<br />
580 A la fontaine estaint sa foi<br />
Et quant il est bien assazez<br />
Si se deduit aual les prez<br />
Trueue la guimple en une sente<br />
Si la defoule et ensanglente<br />
585 Et quant il est des prez issuz<br />
Et piramus i est uenuz<br />
He: dieus a grant mesauenture<br />
Com dolerouse trouueure<br />
Quar a la clarte de la lune<br />
590 Si com apareilloit fortune<br />
Garde soz lombre dun morier<br />
Et uit la guimple blanchoier<br />
Et sor la poudriere enuiron<br />
Connust la trace du lion<br />
595 Esgrapilliee uoit lareine<br />
Troble le gue de la fontaine<br />
Trueue la gumple defolee<br />
Et de nouuel ensanglentee<br />
Cuide que ce soit du sanc samie<br />
600 Garde enuiron nen i uoit mie<br />
He: las com malement demeure<br />
Nest pas uenue en icel eure<br />
Tant crient icele beste fiere<br />
Quancor nosoit uenir arriere<br />
605 Quant piramus ne uoit samie<br />
Donc cuide bien quel soit fenie<br />
Plus deuint uert que fueille dierre<br />
Et enredist plus cune pierre<br />
Mue le sens change coraige<br />
610 Lores esprent dire et de raige<br />
f. 100r col. c Apres parole itant com ire<br />
Et maltalent li laisse dire<br />
Nuiz de doulor nuiz de torment<br />
Moriers arbres de plorement<br />
615 Prez qui du sanc estes sanglent<br />
Fontaine. quar me rendez saine<br />
Celui en qui sanc gist la reine<br />
Soltement est uaine mentente<br />
Mesperance mamor matente<br />
620 He: dieus quel duel me represente<br />
Ceste guinple que uoi senglante<br />
Comment fu beste tant hardie<br />
Que uers uos fust cel enuaie<br />
Quel mal quel duel quel felonie<br />
123