Create successful ePaper yourself
Turn your PDF publications into a flip-book with our unique Google optimized e-Paper software.
Transcription of MS B<br />
Blanche iusques a icele eure<br />
Adonc si ot noire coulor<br />
675 En tesmoignaige de dolor<br />
Tysbe repairoit a itant<br />
Qui ne desconnoist son amant<br />
Molt couoite quele li die<br />
De quel peril el est garie<br />
680 Cuide aemplir sa uolente<br />
De ce que tant a desirre<br />
Mais or aprosche terme brief<br />
Que lor amors tenront a chief<br />
Ia li est uis que soit o lui<br />
685 Et que senbracent ambedui<br />
Et parolent de lor amors<br />
Mais orendroit aura doulor<br />
Tot belement sen uait arrier<br />
Et quant el aprosche au morier<br />
690 Donques se tient por esgaree<br />
Por la doulor que uoit muee<br />
Quar primes auoit ueu blanc<br />
Le fruit qui or ert noir de sanc<br />
Endementieres quele doute<br />
695 Si a tenue droite route<br />
Le iouuencel ot sangloutir<br />
Plaindre gemir traire soupir<br />
Uoit sa guimple com il la touche<br />
f. 100v col. b Deures en autres a sa bouche<br />
700 Et quant el aparcoit la plaie<br />
Nest merueille sele sesmaie<br />
Quant uoit parmi le cors lespee<br />
Fuist li li sans si est pasmee<br />
Relieue soi dolente et mate<br />
705 Trait ses cheueus et se degrate<br />
Derront sa char et pleure et crie<br />
Plus aime mort quel ne fait uie<br />
Lores sencline sor le cors<br />
Si a traite lespee fors<br />
710 Encontremont la endrecie<br />
Puis parole com feme irie<br />
Espee de qui sui saisie<br />
Qui ma ioie as a duel fenie<br />
Or espueue com es hardie<br />
715 Qui nostre amor as terminee<br />
En mon piz soies reschaufee<br />
De noz .ii. sans ensanglentee<br />
He: dieus quel fin et quel atente<br />
Com tost perit uostre iouuente<br />
720 Petit uos pot a espargnier ire<br />
125