GURASOENTZAKO GALDERA-SORTA Ebaluazio diagnostikoa

130
Mattin martetarraren kondaira
Mattin martetarrak ikuskapenerako ontzian lur hartu
zuen oihan batean. Gaua hotza zen eta berotzeko beharra
zuen. Mattin inguru arrotzean zegoen eta ez zuen hotzetik
babesteko baliabide propiorik. Ingurura begiratu eta ikusi
zuen bera bezain azkarrak ez ziruditen izaki batzuk
bildurik zeudela objektu zilindriko gori batzuen inguruan.
Marteko atmosferan ez dago oxigenorik eta, beraz, ez da
surik, ez behinik behin Lurrean ezagutzen dugun
bezalakorik. Mattin ahal zuen guztia taldera hurbildu zen,
bere burua erakutsi gabe. Konturatu zen zilindro gorien multzo hark nahiko bero botatzen
zuela, hotzik ez pasatzeko adinakoa (kanpamenduko sua zen hura). Mattinek pentsatu zuen
halako zilindro batzuk lortzerik bazuen ez zuela hotzik pasatuko. Baina, nola lortu?
Lehenik, itxaron zuen lurtarrak beren kanpadendetan sartu arte. Gero, zilindro multzo
hartara hurbildu zen, isilik, zenbait enbor alde hotzetik hartu zituen eta espazio-ontziaren
ondora eraman zituen. Laster sartu zen berotan eta bere martetar zientziaren goren mailaz
harro sentitu zen.
Hala ere, bere zoriontasunak ez zuen luze iraun.
Zilindroak moteltzen hasi ziren; gaua oraindik hotza zen.
Pentsatu zuen lurtarrek sua elikatu zutela eta sugarrek
ateratzen segitzen zuten. Zer egin beharko zukeen
Mattinek bere sua elikatu ahal izateko? Marten ikasitako
zientziak ez zion horretan askotarako balio. Baliozko
erantzun bakarra saiakuntzak emanen ziokeen.
Material oro bildu eta sutara botatzen hasi zen. Aldi berean, gertatzen ari zena koaderno
batean anotatzen zuen. Honako hauek dira bere oharrak, itzuli ondoren:
OBJEKTUAREN IZENA OHARRAK
Zuhaitz adarra Ongi egiten du su lehorra badago.
Zutoina Ongi egiten du su.
Gomazko hodia Su egiten du, baina airea zikintzen du. Jasangaitza zait.
Dinamita detonagailua A zer hondamendia! Ez erabili etorkizunean.
Harkaitz handiak Ez dute surik egiten. Berotu egiten dira soilik.
Beirazko esferak Ez dute surik egiten. Hautsi egiten dira.
Zurezko makila Ongi egiten du su.
Koadernoko datuak berrikustean, Mattin konturatu zen su egiten zuten objektu guztiak
zilindrikoak zirela. Honako hipotesi hau anotatu zuen:
“Objektu zilindriko guztiek su egiten dute”.
http://www.portaleso.com/. Egokitua eta itzulia.