GURASOENTZAKO GALDERA-SORTA Ebaluazio diagnostikoa

MUGIMENDUA IBILIZ FROGATZEN DA
Zenon Eleakoa (K. a. 490-430) matematikari eta filosofo ospetsu bat izan zen.
Mugimendua ez zela benetakoa aldarrikatzen zuen; bere ideietako bat zen. Egin
zituen diskurtsoetako batean frogatzen saiatu zen Akiles azkarrak ez zuela sekula
dortoka bat atzetik harrapatuko, Akiles dortokaren aldera mugitzen zen aldi oro,
dortoka ere zertxobait mugituko zelako. Entzuleen artean bazen beste pentsalari bat,
Diogenes izenekoa. Zutitu eta ibiltzeari ekin zion, eta argumentu bakar modura
honako hau erantzun zion: “mugimendua ibiliz frogatzen da”.
Aspalditik badakigu mugimendua existitzen dela, baita desplazamendu baten
espazioa, denbora, abiadura eta azelerazioa kalkulatzeko formula matematikoak
zein diren ere. Oinez edo motoan joanda ere, mugimendu zuzen batean egindako
desplazamenduaren distantzia formula honen araberakoa izanen da:
Espazioa = abiadura x denbora
Arantza eta Andoni lagunak dira eta aurten euren urtebetetzerako moto bana oparitu
diote. Arantza Elizondon bizi da eta Andoni Tuteran. Egun batean, biak ados jarri
gabe, elkarri bisita egitea erabaki dute. Demagun Elizondotik Tuterara 140 km
daudela.
Arantza 11:00etan atera da Elizondotik eta Tutera aldera jo du 80 km/h-ko
abiaduran. Ordu berean, Andoni Tuteratik Elizondo aldera atera da 60 km/h-ko
abiaduran.
23. Marraztu taulan Andonik eta Arantzak egiten dituzten mugimenduen espazioa-denbora
grafikoak.
137