GURASOENTZAKO GALDERA-SORTA Ebaluazio diagnostikoa
GURASOENTZAKO GALDERA-SORTA Ebaluazio diagnostikoa
GURASOENTZAKO GALDERA-SORTA Ebaluazio diagnostikoa
Create successful ePaper yourself
Turn your PDF publications into a flip-book with our unique Google optimized e-Paper software.
Astearte gauetan<br />
Gaua da eta emaztea eta biok ilunpean gaude telebista aurrean. Azken bolada<br />
honetan berdin zaigu zer ematen duten. Ona edo txarra izan, ez dugu kanala aldatzen.<br />
Kontua da oheratzeko unea ahalik eta gehien luzatzea, apur bat freskatu arte behintzat.<br />
Gero etxe osoa zabaldu eta ahoz gora etzaten gara elkarren ondoan, sabai erdiko<br />
arraildurari begira, miraria noiz gertatuko zain. Zaharrak gara eta loa zikoitz portatzen<br />
da gurekin.<br />
Bigarren filma amaitzear dagoenean, begiak itxi eta hasperen sakona egin du<br />
emazteak.<br />
–Nazkatuta nago, Xoan –esan dit–. Ezin dut umiliazio hau gehiago eraman.<br />
Zurrun gelditu naiz. Horrela jartzen denean ez dakit zer egin benetan<br />
animatzeko. Eskutik heldu diot.<br />
–Laguntzea nahi duzu? Atzamar izerditsuak banan-banan askatu, eta buruari<br />
eragiten dio goibel.<br />
–Ez. Bakarrik moldatuko naiz.<br />
–Ameli…<br />
–Mesedez, ez nazazu okerrago sentiarazi.<br />
Horixe da azkenaldiko bere esaldi faboritoa, horrekin zerbait konponduko balu<br />
bezala. Baina ez nau engainatzen, korridoreko atera iritsi orduko negarrez hasi da.<br />
Alferrik, ordea. Iazko apiriletik hona okerrera egin du nabarmen. Dagoeneko<br />
ezin ditu esfinterrak behar bezala kontrolatu eta garai bateko harrotasuna galdu du.<br />
Hirugarren adinak gordeta zizkigun sorpresetako bat. Zoritxarrez, hemendik aurrera<br />
kontu zatarrak baino ez ditugu adituko: analisiak, biopsiak, diagnostiko ilunak…<br />
Bainugelatik itzuli denerako, bukatua dago filma.<br />
–Hiltzailea atxilotu dute? –galdetu dit Amelik, normaltasun plantak eginez.<br />
–Ez dakit –erantzuten diot soinak goratuz–. Ez dut arreta jarri.<br />
Eta egia da. Biziki saiatu arren, ez dut amaiera gogoratzen. Bazegoen hiltzailerik?<br />
Bazen biktimarik? Irudi zurrunbilo nahasi bat baino ez dabilkit buruan. Ezer argirik ez.<br />
Segituan ahazten zait guztia. Baina ez da hain egoera tragikoa, denborarekin ohitu naiz.<br />
Honetan, telebista zirtaka hasi da. Gero, eztanda moduko zarata bat egin eta<br />
puntutxo distiratsu bat baino ez da geratu pantaila ilunean.<br />
–Kaka!<br />
Ezkerretara makurtu, eta ondoko lanpara piztu dut.<br />
69