GURASOENTZAKO GALDERA-SORTA Ebaluazio diagnostikoa

9. Proben ezarpena eta zuzenketa
9.1 Ezarpena
Emaitzen fidagarritasuna bermatzeko errespetatu beharreko baldintzetako bat, ikastetxe
eta ikasgela guztietan probak baldintza beretan ezartzea da. Horretarako, bi printzipio
hartzen dira kontuan:
1. Ezartzaile guztientzako ezarpen-arau estandarrak izatea.
2. Ezartzailea ikasle-taldeari eskolak eman ohi dizkion pertsona bera ez izatea.
Hezkuntza Ikuskaritza Zerbitzuak derrigorrez bete beharko diren ezarpen-arauak
argitaratuko ditu ezartzaile guztientzat.
Ezartzaileari dagokionez, Ikastetxeak ikastaldeari eskolak ematen ez dizkion pertsona bat
izango dela bermatzeko sistema erabakiko du. Hauek dira egokitzat jotzen diren pertsonak:
a) Ikastetxeko orientatzailea.
Ebaluazio estandarizatuak burutzeko prestakuntza psikopedagogiko handiena duen
pertsona da. Profilaren ezaugarriak betetzen ditu: ikastaldeari ez dizkio eskolak
ematen eta, gainera, Ikastetxeko profesionala da. Orientzatzaileak maiatzeko bigarren
hamabostaldian burutuko diren lan hauek aurreikusi behar ditu urteko planifikazioan.
b) Ikasketa-burua edo departamentu-burua.
Orientatzaileak lan hau egiteko aukerarik ez balu, ikasketa-burua edo
departamentu-burua izango litzateke eginkizun horretarako pertsona egokia, beti
ere, ikastaldeari eskolarik ematen ez badio.
c) Taldean eskolak ematen ez dituen irakasle bat.
Hauxe da hirugarren aukera, lehentasunaren arabera. Edozein arrazoi dela medio,
aurreko proposamena ez bada posible, ezartzailea ikastaldeari eskolak ematen ez
dizkion irakaslea izango da.
Arrazoi bereziak direla medio, ezartzailea ikastaldeari eskolak ematen dizkion
tutoreak edo beste irakasle batek izan behar badu, txostenetan islatuko da, eta
ebaluazio mota honetarako estandar nazionalak eta nazioartekoak ez direla kontuan
hartu esango da.
57