GURASOENTZAKO GALDERA-SORTA Ebaluazio diagnostikoa

EBALUAZIO DIAGNOSTIKOAREN ESPARRU TEORIKOA. Bigarren Hezkuntza
2.1 Ezagutzen garrantzia
Ezagutzek eginkizun garrantzitsua dute oinarrizko gaitasun guztien erabilpen zuzena bermatzean.
Helburua ez da diziplinaren ikuspegitik diren ezagutza garrantzitsuenen lagin bat
ebaluatzea, ezta derrigorrezko etapan zehar ikasleek metatu dezaketen ezagutza guztia
kontabilizatzea ere. Aitzitik, ikasleen ahalmen hauek egiaztatzea du xede:
• Eskuratutako ezagutzen artean garrantzia dutenak identifikatzea, egoera zailak edo
ezezagunak konpontzeko.
• Horiek erabiltzea, egoera zehatzean aplikatuz eta transferituz.
• Ezagutza horiek afera konpontzea ahalbidetzen duten baloratzea.
Helburua ez da curriculumaren arloen edukien egitura gaitasun bakoitzean errepikatzea;
aitzitik, zientzia-diziplinetako ezagutzak egituratzen diren arloen “ideia nagusiak” edo
“eremu nagusiak” seinalatzea da asmoa, ikasleengandik gertuen dauden errealitateak eta
arazoak, oraingoak nahiz etorkizunekoak, azaltzeko gaitasunaren arabera.
Gaitasunen edukiak aukeratzeko irizpideak
Ideia nagusi edo eremu nagusi horiek aukeratzerakoan, irizpide hauek kontuan hartuko
dira:
■ Ikasleen bizitzako eguneroko egoeretan moldatzeko garrantzia (maila pertsonalean, familia
mailan, komunitate mailan, gizarte mailan, eskola mailan eta abar).
■ Aukeratutako ezagutzek gizartean duten indarra. Ez soilik gaur egun, baita etorkizun hurbilera
begira ere (hurrengo hamarkada, esaterako).
■ Eguneroko bizitzan garrantzia handiena duten prozesu zientifikoetako batzuetan duten
inplikazioa (Natura Zientziak, Gizarte eta Giza Zientziak eta abar).
■ Oinarrizko gaitasun bakoitzak jasotzen dituen prozesuetan dagoen inplikazioa.
2.2 Prozesuak ebaluazioaren elementu egituratzaile gisa
20
Oinarrizko gaitasunen ebaluazioari koherentzia emateko, komeni da gaitasun bakoitzak
hartzen dituen prozesuak finkatzean, guztiek eskema komuna izatea. Ondoren, proposamen
orokorra aurkeztuko da, gero kasu bakoitzera egokitu eta zehaztuko dena.
“Prozesu komunen” proposamen honek hauxe izango du kontuan:
1. Nazioarteko ebaluazioen esparru orokorrak.
2. Oinarrizko dekretuen Eranskinetan jasotako etaparen curriculuma.
3. Europan zehaztutako gaitasun nagusiak.
4. Curriculumaren tradizioa eta irakasleen ohitura egokiak.