GURASOENTZAKO GALDERA-SORTA Ebaluazio diagnostikoa

76
Txinako musikari bati kendutako biolina itzultzeko eskaera
Iñaki Azkuna Bilboko alkate jauna:
Kalean biolina jotzen duen herritar baten biolin soinua entzutea edonorentzat da
mesedegarria. Baina, ikusten denez, Bilboko Udalak ez ditu gauzak horrela ikusten, eta,
ondorioz, ez digu utzi nahi kultur espresiobide natural eta berezko horiez gozatzen.
Bestalde, Bilboko udaltzainek (eta haien buru zaren Iñaki Azkuna alkate jaunak) kaleko
musikarienganako errespetu gutxi erakutsi dutela uste dut; izan ere, Txinako herritar
bati, Bilboko kaleak alaitzen zituen horri, eskerrak eman beharrean, biolina kendu eta
isuna jarri diote.
Egoera tamalgarri honen aurrean ondorengoa eskatzen dizut:
- Txinako musikari horri biolina itzultzeko.
- Txinako herritar horri eta kultura kaleratzen duten guztiei Bilboko herritarroi
egiten diguten mesedea eskertzeko eta, beraz, kaleetan lasai jotzen utz
diezaiezuela.
- Kulturarekiko miresmen handiagoa izan dezazula eta espresiobide naturalak
eragotzi beharrean indartu egin ditzazuela. Guggenheim eta Euskalduna ondo
daude, baina sentiberatasunak eta kulturak kaleetan ere egon behar dute;
bestela, gero ez gaitezen damutu Bilboko herritarrak ez direla museotara edo
kulturara hurbiltzen: nola hurbilduko gara kultur espresiobide txikiena ere ito
egiten badigute? Nolako sentiberatasuna espero daiteke kulturarekiko
kontrolpean bizi den herri batengan?
Besterik gabe, benetako pertsonek batzuetan gauzak gaizki egiten badute ere barkamena
eskatzen eta atzera egiten badakitela gogoratu nahi dizut.
Nik zuregandik hori espero dut; Txinako herritarrari (eta Bilboko herritar guztioi)
barkamena eskatu eta biolina itzul diezaiozula, hain zuzen ere. Esperantza dut hau
guztiau errore makur bat izan dela, pentsatu gabe egin den ekintza tristea. Hala izan
bedi.
Aldez aurretik milesker zure arretagatik.
“Txinako musikari bati kendutako biolina itzultzeko eskaera”
BERRIA. 2008ko apirilaren 9koa.