Download - Centro Documentazione Luserna

Vürtzekh!
Balde pin gebest djung un ka långes hånne gesek di sbèlbela bo da håm ågeheft zo machannen ’z èst untar
in üas von techar, hatzmar herta parìrt ke ’z ista vorgånnt a långa långa zait von djar vorånahì un ke ’z
zoinda sutzedart ploaze un ploaze sachandar vo dar lestn botta bo de hån gehatt gesekh a sbalbl.
Mai måmma hattmar herta khöt: “Du barstz bol seng, balldo khist eltar, be sa bartn loavan di djardar!”.
I hånda nia gegloabet, umbròm i hånn herta pensàrt ke a djar is, un bart herta stian, a djar.
Est såinsa vürzekh un parìrtzme gestarn morgas bo de hån gesekh di sbèlbela èstn untart ‘z tach von stall
von Frånz Bakå, un as pe sbalbln ka herbest, di djardar såin geflattart vort!
Vorgells Gott, möchtma khön, ke bar såin dà zo kontaranas au baz bar håm getånt.
Bar såinas gevuntet njdar hintar in kastèl vo Beseno, in a schümmas birthaus, z’èzza di tschoi pin koskrittn.
Di achte dazabas iz za gebest nacht un auar zallt hattmada schiar njonka gesekh, ma balde offe hån getånt
di tür, hånnese gesek alle drei innzalt, augelummant nå zo trinkha eppaz un zo paita auz di åndarn.
’Z ista gebest di Brunella, gezoget atti vairta, dar Gimmy, luste az pe alle di åndarn vert bo den hån gehatt
gesekh, un …ia, ’z iz gebest mearar bas zbuanzekh djar azzen nemear hån gesekh moi altn tschell, dar Tone!
Bia iz? Bia steasto? Baz tüasto? Biavl khindar hasto? … Gedenkhstode? … un at ditza bort saibaras vorlort!
A viartl ur denna, zo hakha abe di discorse bo dar magt imaginarn bar såin nå gebest zo macha, ista khennt
inn pa tür di Monica: di izzese gebest schiar vorlort ummar pa pletz un umenumm di prünn vo Besnèll.
An lestn såinda abe gerift di selln vo Lusern å. Da biondate Nadia, da röatlate Graziella, di Mariella, ’z baibe
von Nello Postildjù un da brevarste vo alln, da sèll bo das hat gelekh panåndar in sèll abas, da sèll bo da is
gebest guat zo rüavanas zuar as pe da tüat a guatar shavar pit sain öbla: di Ornella. Bar håm gèzzt un
getrunkht … bazzar, un håmas au kontàrt alla darsòrt, vo dise djar, vo balbar såin gebest djung, vo balbar
såin gånnt ka schual auz atz Lavròu pittar koriara von Bolognani, vo balbar å håm gevånkh ’z arbata, vo
all’s bas bar håm getånt in dise djardar, von ünsarn khindarn, von ünsarn baibar, von ünsarn månnen.
Un redante, lüsnante, vorsante nå un kontarante au, di zeit is vorgånnt bahemme un in an plìtzegar is lài
khennt das umma in di nacht: zeit zo kheara bidrum da humman.
Biavl gedenkar in di sèlln par urn!
Azzar böllt seng bia bar såin gebest un bia bar såin haüt zo tage, schauget o di foto khearante pagina.
Bar håmas gegrüast auar zalt in birthaus un, gedenkhante alle di sèllnen bo da nètt håm gemöck khemmen,
habaras gètt apuntamento vor di vünfunvürtzekh djar, vorhoasantas ke vo disevür barpar züachan zo macha
loavan di zeit a pizzle lesegar!
An gruas von Baltar von Polèz.
Cinquanta! Fünfzig!
Q uand’ero
ragazzo ed in primavera osservavo le
rondini indaffarate nella costruzione del nido
sotto le grondaie, avevo sempre la sensazione che
fosse passato molto tempo dall’anno precedente,
che fossero accaduti innumerevoli avvenimenti da
quando l’ultima rondine era volata via.
Mia madre era solita dirmi: “Vedrai, invecchiando,
come scorreranno velocemente gli anni”.
Io non credevo molto a questa affermazione, in
fondo pensavo, un anno è e rimarrà sempre un anno.
Oggi sono arrivato a quota cinquanta e mi
sembra quasi ieri mattina quando le rondini stava-
STORDJE
27
Als ich ein Kind war und im Frühling die Schwalben
beobachtete, die geschäftig ihr Nest unter
den Dachrinnen bauten, hatte ich immer das Gefühl,
dass seit dem vorigen Jahr viel Zeit vergangen war,
dass sich unzählige Ereignisse zugetragen hatten, als
die letzte Schwalbe fort geflogen war. Meine Mutter
sagte mir für gewöhnlich: „Du wirst sehen, wie die
Jahre schnell vergehen werden, wenn man älter
wird“. Ich schenkte dieser Behauptung keinen großen
Glauben, im Grunde genommen, dachte ich, ein
Jahr ist und bleibt immer ein Jahr.
Heute habe ich „Quote“ Fünfzig erreicht und es