Download - Centro Documentazione Luserna

’S bort in
Bürgermaistar
DI REDATZIONG
L
iabe Lusérnar,
“I grüasas alle pin gåntz hertz”. In di lestn zaitn grüase a so as be biar, vorde rede atz belesch, di laüt bo da
zuarkhemmen at di sitzungen und konferenze.
Un i hån gesek che herta meararne laüt håm ’s gearn zo höara ren in ünsara alta un schümmana zung. Sa soin
herta mearar di laüt vo vort boda håm darvert bo da is Lusern und ke biar sidar tausankh djardar ren an alta
taütscha zung.
I hån gearn zo machanas bissan ke in da lest zait herta meararne djunge un kindar REN AS BE BIAR, di seln
o boda da humman håm gilirnt das earst da belese zung! Ditza is das peste bodemar hån empaitet sidar djardarn.
I pin vil kontent vor ditza. Un sa soin herta mearar di Lusernar bo da schraim as bi biar (ånca as ta no soin
auszorichta a par problem bia di “s - z”).
Alle, Lusérnar und fremmege, gloam ke ’s is guat und djüst asta alle di zungen übarlem. Zo übarleba a zung hat
mengel asta di laüt von an lånt ren alle, odar di meararstn, da soi zung. Se mochanda gloam. Un ren di zung
von lånt pin khindar o. Di khindar lirnen destrar meararne zungen. I pin sichar che ünsar zung bart lem no
meararne hundartar djardar umbrom ünsarne djunge soin stoltz zo sòina Lusérnar un zo haba a zung bo di
åndarn net håm otta håm vorlort. . Un dazuar lirnensa no destrar net belesch alumma, ma tautsch un englisch
o. Brave ünsarne khindar und djunge! Geat vürsanen gerecht, haltante lente ünsar schümmana alta zung un
ünsar liabe lånt!
An åndra guata is che laise laise khemmenda gemacht meararne arbatspletz. In di Lant arbatnda est seks baibar
und diarnen. Vor zboa monat di Romana hat offegetånt a klummana botege zo vorkhoava håntgemachate
sachandar. Vor Boinichtn dar Flavio tüat offe a klummas ma n’asó schümmas birthaus (Baita del Neff) atn
perge Virgo Maria in Kostalta, bo ’s is ingirichtet zo raita pin skin.
’S djar bo da khint di Piletti söll offemachan a botege vo giessa, un bar sperarn che sem nåmp khinta gemacht
dar speck o. ’S is sber au leng eppas atnan perge, so bait vo dar stadt. Ma ’s is gåntz schümma seng ke ’s soinda
laüt bo da ’s tüan unbrom sa gloam che ünsar lånt bart gian vürsanen. Vor djardar is gest vil traure un vil hån
pensart che ’s lånt stirbet aus. Est a par soin gekheart bidrum atz Lusérn un åndre böllatn khemmen so palle ’s
3