Download - Centro Documentazione Luserna

32
STORDJE
Dar Foldjo
(hàtten parìrt). On di diarn hatt ågevånk
zo reda on hatt khött: « Est, mai liabar
pua, iz hundart djar àzze pin dà zo paita
be da khint uandar (uan) zo hélvamar;
on du, àsto billst, pìsto darsèll bo da mar
möge helvan. I – hàtze khött – pin dà
zbischnen (zbischan) in hümbl un dar
höll, on àsto du pist guat zo tüana
bàzzedar (baz e dar) khüde, géade gerade
in hümbl; on àsto nèt pist guat zo tüana
allz àzpez bill soin getånt, möche gian kan
taüvl vor hèrta »… on hatt ågevånk zo
gaüla fin az se hatt gehatt atn.
Dar pua, bal dar hatt gehöart asó, hàttaren
gelatt åntn (ånt tüan) di diarn, on hatt
gesbert vorå Gott ’n Hearn on alln in
Hàilegen zo tüana allz baz se khütt, on
hàtze gepittet àzzen khöde baz ar hatt zo
tüana. On si hatt khött: « Bèn, gea huam
on gea nidar in haus von Polètz on gea au
in di khåmmar bóde pin gestånt fin àzze
pin gebest lènte». Tüa offe in sèll groaz
khast; sèm bàrsto vennen a khluaz skèttele,
on drinn sòinda drai gevringartar
(gevingratar). Nimm daz sèll bo da drau
hatt di sèlln zboa bort on pìntz affnan
lången stèkh on ail bidar bodrùm (bidrùm)
inn in balt. Bàldede sige khemmen,
khìmmedar enkéng; ma i khimm nèt
àzpede pin est, ma i khimm àzpe a
schaüladar burm. Ma du darschràkh nicht
(nèt) on vörte nicht (nèt) : rékh mar lai zuar
(zua) in stèkh àzze (az e) möge gelången zo lèkha pittar zung umme ’z gevringart (gevingrat); on àsto du nèt
geast hìntarnvürbest, az e rif zo rnöga lèkhan umme ’z gevringart (gevingrat), i khimm bidar a schüana
diarn on denna géade lai in hümbl; on du barst håm gelükh hèrta fin àsto lebest. Ma àzze (az e) nèt möge
gelången zo lèkha ’z gevringart (gevingrat), i bart hèrta plaim a burrn on lai möche gian kan taüvl vor hèrta».
Dar pua hàtzar bidar vorhóazt zo tüana allz baz da bill soin getånt; on denna hattar gevånk in bege on iz
khent zuar ( zua) huamat.
Bal dar iz gerift huam, ìzzar (iz ar) gånt in di khåmmar vo dar diarn on hatt offegetånt in khast, hatt genump
’z skèttele on hatt auvargenump ’z gevringart (gevingrat) on denna ìzzar gekheart bodrùm (bidrùm) inn in
balt on hatt gehakht a långa héslana ruat on hatt drinn gestékht ’z gevringart (gevingrat), on denna ìzzar
gånt vürsnen inn pa balt, fin az ar iz gebest nåmp dar kuvl.
balamång hàttaren gesekk zuarkhemmen (zuakhemmen) an schaülan groazan burm, az ar (bo da) hatt
gemacht di vort.
On dar pua iz darschràkht starch, ma dà ìzzen khent in sint baz d’en hatt gehatt khött di diarn, on er iz gånt
vürsnen allz uaz. On bal dar iz gebest nåmp genua, hàttaren gerékht zuar (zua) in stèkh, drau pitn gevringart
(gevingrat).
Allz a stroach (in an stroach) in pua ìzzen åkhent allz a gezittra vo z’üntrest (z’üntarst) z’öbrest (z’öbarst)
on iz hintargezoget drai tritt. Dar burm ìzzen någånt on hatt bidar geböllt lèkhan on hàtta nèt gelånk,
umbrómm dar pua iz bidar hintargezoget drai tritt.
Drai vert hàttar provàrt dar burm on nia ìzzarda nèt gelånk, on alóra hàttar gespibet vaür on hatt geböaket
on gelürnt on iz vorsbùndet von oang von pua. Dar pua iz gekheart bodrùm (bidrùm) on iz gebest hèrta
traure fin az ar iz gestorbet.