Download - Centro Documentazione Luserna

30
STORDJE
Dar Foldjo
khearn bidrum in da sèll zait to maga pokhan un palln di diarnen inngimudlt in schiellele, di djube soinda
nånet gest, boda soin passart gisbinklt pin kentarle vodar milch durch pa Pill zoa to maganen dopo helvan
abe zo machase von snea odar anåndadar boda est schafft in Sistema Informatico vodar Università vo Tria
to magase invidarn aus pan untar bege von Stuz to lassanen seng di earst khlökkla boda spitzarn untar in
snea. Ditza mage nemear vürkhemmen: da hebatn zo tüana pit maistre, impiegate boda schaffan in pa
kamöündar, in pa Catasto, in pa Santa Chiara, professoresse, guate måmme un bravate töchtar. Eppaz
bodas pintet izta però nå un niamat magzas abe straitn: az sai an toal vo ünsarn sealn boda vo djungum
soin augibakhst pitnåndar? As berat asò möchapar khön alora grazie in laüt bodas hån gihelft khemmen
groas!. Di zaitn bobar soin gest khindar hånas gimacht starch to maga gian, alle djung, obar di belt to
gibinnanas ’z proat eppaz destrar baz ünsre laüt. Est di hent von månnen soin nemear asò hert to maga
ummar rodln knottn un stökh, ma ’z zoin hent boda helvan dahumman å, di baibar håm giverbet ’z har un
di ummanegln un hån å di schua pin takkn ma abas soinsa gilaich müade vodar arbat inn un auz von haus
asò azpeda soin gest müade soine müatar un soine nån. ’Z lem iz das sèll vo aln, di börtar to kontaras soin
ünsre alte börtar. Bar soin biar in gireda o, di arbat, di khindar, un zerte sachandar hattmase nètt mengl to
khöda, bar boazanse, bazdomar barst vorsan est vo diar impaitemars un du boast bazedar bart rispundarn…
bar boazan alle vo bo bar khemmen abe. Di zait iz nemear alla ünsar, di iz von ünsar khindar boda möchan
vennen se å sain bege in lem, biar möchan offe haltn di tür un paitn sichar ke bar hånse gitzüglt starch
azpebar soin khent gitzüglt biar… töchtar von ünsarn müatar, sünn vo ünsarn vetar.
Bar zoin gistånt girecht pitnåndar, di zait iz giflattart, ’z iz zait to giana, ’z paitetas bidar da offege belt, …bar
hebatns nètt gimak machan annåndar a pezzarz gisenkh!
Bar höarnas affan cellulare, bar sraimas a e-mail, naüge ordenje, alte börtar.
Ciao….Mariagrazia, Nadia, Donatella, Licia, Graziella, Brunella, Mariella, Walter, Antonio, Olindo, Rita,
Gimmi, Adriana, Monica, Rita, Elio. (Ornella Gasperi Knapp)