Download - Centro Documentazione Luserna

STORDJE
Da kondanàrate diarn
Vor vil vil djar ìzta gebest a diarn nidar in haus von Polètz on iz gebest sovl schüa, ke vil puam håmse
geböllt håm vor baibe; ma si hàtzan nia geböllt bizzan zo boràtase on vo densèll hàtzese hèrta vortgetribet
alle di puam.
In an tage ìzze sèm gebest alùa (alùmma) in haus on hatt gevlikht. Balamång ìzta gånt a schüandar pua pa
tür ìnn on hàtze gegrüazt. on si hàtten ågeschauget on hatt gesekk, ’z iz a sölla schüandar, on si hàtten
gegrüazt si o on hatt khött àzzarse sitz. Dar pua ìzzese nidargesotzt on hatt ågevånk zo reda on hatt geredet
asó schüa on asó guat on dar diarn hàttarar ågeheft zo gevalla.
Vo densèll tage vür dar pua iz gånt vil vert zo vénnase on di diarn hàtten gesekk alle tage liabar on hatt
ågeheft zo böllanen bol.
In an mal ìzzar gånt on hatt darkhennt ke di diarn hàlteten gearn, on er hàtze gevorst z’sega bésen haltet
gearn on z’sega bésen nimp, on si iz gebest alla luste on hatt khött vo ja. On dar pua hatt auzgezoget a schüaz
gevringart (gevingrat) von vingar on hàtzar gètt, on di diarn hàtz genump on hàtz inngelekk si, on hatt
vorhóazt in pua zo tràgaz hèrta in sèll (in densèll) vingar fin az se lebet. Biane zait spetar dar pua iz
darkhrånkht on iz gestorbet. Da arm dìarn, bal se hatt gesekk ke sai pua iz toat, ìzze gestånt (gebest) vil
traure. Ma a par djar spetar hàtze ågeheft zo traiba hì on denna hàtze auzgenump ’z gevringart (gevingrat)
on hàtz logàrt (vorstékht) inn in an khast, on (si) hàttar pensàrt: «Bèn, sà àzzarmar iz gestorbet darsèll pual,
est bìllemar süachan an åndarn» …on asó hàtze getånt.
Si iz gånt zo tantza on, ummar obràll (bobràll) bo da iz gebest eppaz lustegez, hàttmase gevuntet, on di puam
håm bidar ågeheft zo giana se zo venna.
Balamång ìzzese darkhrånkht on iz gestorbet åna (ena) zo lega å ’z gevringart (gevingrat) bo dar hatt gehatt
gètt dar pual. On vo densèll hàtze nèt gemök (gemak) gian in hümbl on iz khent kondanàrt inn in tal von
Djau, sèm in an groazan balt.
A khutta djar spetar iz gånt a pua von Kanér inn pa disan balt nå in gebilt. Dar iz ummargånt schiar an
gåntzan tage åna zo venna nicht, on iz hèrta gånt inn, betar inn pa balt, on iz gerift kanar kuvl, on inn in
disa kuvl hàttar gesekk a schüana diarn.
Dar pua iz darschrakht on iz gekheart bodrùm (bidrùm) hìntarnvürbest. On si hàtten gerüaft, pìttane
(pìttante), on hatt khött: «Mai liabar pua, vörte nicht vo miar, i tüadar nicht, umbrómm di hàtte dà gevüart
Gott dar Hear».
Alóra dar pua ìzzar gånt zuar (zua) nåmp on hàtze ågeschauget on hàtten parìrt asó schüa, ke er hatt
gehatt gesekk khua schüanar mentsch. On bi mearar dar hàtze ågeschauget, bi schüanar si ìzzen vürkhent
31