In hierdie uitgawe

More documents

Recommendations

Info

Die stryd om grond duur voort “National sovereignty is defined in terms of land.” Hierdie kort sin uit die aanvangsparagraaf van die Groenskrif op Grondhervorming som – heel veelseggend – die onderliggende filosofie van die regering se grondhervormingsagenda op. Nasionale soewereiniteit word deur grondbesit bepaal – so glo die ANC – maar nie net die ANC nie. Ironies genoeg, is hierdie begrip ook ‟n onderliggende uitgangspunt van volkstaat-ideale. Wyle Prof. Carel Boshoff het tereg op sy tyd gesê “die grondvraag is die grondvraag”. Op ‟n verrassende manier stem Afrikaniste en Afrikanernasionaliste dus saam oor die belang van grondbesit vir die toekomstige gang van die politiek. Vir beide is grond nie net ‟n kommoditeit of ‟n produksiefaktor nie, maar ‟n bepalende faktor vir die toekomstige magsverhoudinge in Suid-Afrika. Afrikaners het 175 jaar gelede op soek na vryheid – en grond – die binneland ingetrek. Die stryd om grond en gepaardgaande botsings op die Kaapse oosgrens en die inkonsekwente hantering van die grondvraagstuk deur die Britse koloniale bewind was immers ‟n vername rede vir die Groot Trek.Grond was ook die onderwerp van die traktaat tussen Piet Retief en die Zoeloekoning Dingaan wat onderteken is kort voordat Retief en sy geselskap uitgemoor is. Sedertdien was die struwelinge – maar ook die skikkings – tussen Afrikaners en plaaslike inboorlingstamme telkens deur grondgeskille geïnspireer. Die stryd om grond in Suid-Afrika het egter tot dusvêr onbeslis gebly. In 1913 en weer in 1936 het Gen. JBM Hertzog gepoog om swart grondbesit en grondbestuur in Suid-Afrika te kodifiseer. Onder leiding van Dr. HF Verwoerd is sedert 1948 – 1966 gepoog om die sogenaamde trust-gebiede of reservate soos dit voorheen bekend gestaan het, met staatkundige gesag van selfregering en uiteindelik onafhanklikheid te beklee. Maar die idee van afsonderlike vryheid vir swart volkere het nie op die lange duur aanklank gevind by die agitators vir een-mens-een-stem regering in Suid-Afrika nie. Deeglik bewus van die getalleoorwig van swart Suid-Afrikaners, het ANC- en PAC-leiers deurgaans aangedring op Suid-Afrika as een onverdeelde land en die samevoeging van die verskillende volkere van die land tot een sogenaamd verenigde nasie.Vandag is Suid-Afrika inderdaad „n onverdeelde land. Die bewindhebbers kies gerieflikheidshalwe om daarop te hamer dat slegs 13% van die land se grond in swart besit is. Hierdie syfer dateer terug na die 1936-syfers van Gen. Hertzog en neem nie in ag dat miljoene hektaar grond in staatsbesit is, of in besit is van swart bemagtigde maatskappye, of sedert 1998 aan swart grondeisers-gemeenskappe oorgedra is nie.Die proses van grondherverdeling wat in 1998 begin is, sal onthou word as een van die mees kosteondoeltreffende oefeninge wat ‟n regering nog aangepak het. Trouens, as al die geld wat die afgelope 13 jaar deur die staat spandeer is aan sy begroting vir grondhervorming, bymekaargetel word, kon al die geëiste grond reeds teen markprys aangekoop en oorgedra gewees het. Maar die geld het in ‟n bodemlose put van burokrasie, korrupsie en blote oneffektiwiteit beland. Telkens soek die huidige bewind die medisyne vir sy eie ondoeltreffendheid op die verkeerde plek. Dit is asof „n selfgeskepte mislukking gebruik word om die weg te berei vir ‟n meer sosialistiese agenda. ‟n Groenskrif vir grondhervorming is onlangs gepubliseer en die publiek het tyd gehad tot die einde Desember 2011 om kommentaar daarop te lewer. In die aanvangsparagraaf van die groenskrif word veelseggend verklaar: “Even without it being enshrined in the country‟s supreme law, the Constitution, land is a national asset.” • Die groenskrif voorsien dus dat grond (net soos minerale en water) ‟n “nasionale bate is”; • Daar word voorsien dat private eiendomsreg voortaan bloot “vrypag” gaan wees; • Staatsgrond sal nie meer in private besit oorgedra word nie, maar slegs by wyse van “huurpag” aan individue en gemeenskappe beskikbaar gestel word; • Streng beperkings sal geplaas word op die regte van buitelanders op Suid-Afrikaanse grond; en • ‟n Onheilspellende nuwe burokratiese struktuur, die “Grondbestuurs-kommissie”, word in die vooruitsig gestel. Die kommissie sal uitgebreide magte hê om titelaktes te verifieer en selfs nietig te verklaar; om enige grondeienaar te dagvaar om verantwoording te doen oor die gebruik van sy grond en om grond wat na sy oordeel op ‟n korrupte of bedrieglike wyse verkry is, namens die staat te konfiskeer.2012 sal dus die jaar wees waarin Suid-Afrika hierdie ingrypende inbreuke in die land se beproefde stelsel van eiendomsreg moet oorweeg en afweer. Grondeienaars sal hulle moet voorberei op aktiewe openbare deelname oor die groenskrif – en die witskrif wat nou in die vooruitsig gestel word – en die burgerlike samelewing sal homself moet voorberei op die moeder van alle regstryde om eiendomsreg in stand te hou. Die eerste toets vir hierdie regstryd sal die appèlhof en die grondwethof se hantering van die minerale onteiningsaak van die landbougroep AgriSA wees. Indien die regering slaag met sy argument dat hy nie die houers van minerale regte hoef te vergoed vir die onteiening van alle minerale regte nie sal die tafel gedek wees vir ‟n soortgelyke hantering van eiendomsreg op grond. Hoe dit ookal sy – die vraag na grond en meer bepaald die politieke en privaatbeheer oor grond sal nie net in 2012 nie maar ook in die jare wat kom, die grondvraagstuk van die Afrikaner en Suid-Afrika se toekoms wees. (Willie Spies ) 10 Transhex: SANITY OR INSANITY It is said that the definition of insanity is to do the same thing over and over again expecting different results. This principle also applies to our business. If we want to be the best at what we do then what we did in the past will not necessary produce the results that we want in the future. How do we do things differently to get the results that we want? Well it is all about thinking about the way we think. We need to constantly challenge our thinking by asking questions. Questions like: What can I do differently to improve the situation or process? Is there a better or faster way of getting the results I want? Do I need to change my attitude in order to influence other people‟s attitudes? How can I make my environment safer for me and my fellow employees? Before we act or do anything we can also ask: What are the possible consequences of my actions? Will I endanger my life or anybody else‟s life? Is what I am doing legal? Is what I am about to do in the best interest of the Company or am I doing it for my own reasons? By using this technique we will ensure that there is constant improvement and change in what we do and how we do things and this is where we want to be. As soon as we have reached this level we can expect different and better results from our actions. Traditionally people who talked to themselves were considered in-sane; I challenge you to be sane by doing an insane thing. Ask yourself questions every day and expect different results. (Stan Turketti) Use what talents you possess: the woods would be very silent if no birds sang there except those that sang 10 best. 11 10
DA-plakkaat veroorsaak opskudding Die DA studenteorganisasie (Daso) het ŉ opskudding veroorsaak op sosiale netwerke nadat die organisasie sy nuwe werwingsplakkaat op Facebook geplaas het. IOL berig dat die plakkaat wys hoe „n wit man en swart vrou mekaar met kaal bolywe omhels. Die DA se jeugleier, Makashule Gana, het intussen die plakkaat verdedig. “Ons is ŉ nuwe generasie van mense en leiers en ons wil ŉ sekere samelewing te weeg bring, een waar mens nie twee keer sal kyk wanneer jy so iets sien nie. Ons praat van die toekoms.” Die plakkaat het ŉ storm ontketen op sosiale netwerke soos Facebook en Twitter met sommige mense wat dit as pornografie bestempel en sê dit sal meer gepas wees vir ŉ advertensie vir kondome as vir ŉ politieke organisasie. Daar is ook diegene wat die DA geloof het vir die plakkaat en meen dit is ŉ ware uitbeelding van die huidige Suid-Afrika. (Nico Strydom) "If you want things to be different, perhaps the answer is to become different yourself." Die DA-jeug se rassepolitiek Die legendariese swart Amerikaanse ekonoom, Thomas Sowell, het eenkeer in ŉ 11 debat ten velde getrek teen die persepsie dat swart mense gelykheid van uitkomste en dergelike beleide soos regstellende aksie en swart bemagtiging steun. Hy het veral die sogenaamde meningspeilings oor sulke kwessies gekap en gesê as ŉ swart persoon het hy nog nooit eers ŉ meningspeiler gesien nie. Sy skerpste kritiek was gerig op die sogenaamde liberale en linkses (ja, daar is ŉ verskil!) in die media, politiek en akademiese wêreld wat vir swart mense besluit wat die beste vir hulle is. Volgens hom steun swart mense nie gelyke uitkomste nie, die wit liberale skryf dit voor aan almal. Die DA se studentevleuel se nuutste bemarkingsplakkaat het weereens beelde van die briljante Sowell se sieninge by heelwat mense, my inkluis, opgeroep. Die plakkaat wys ŉ kaal, jong, blanke man in ŉ erotiese posisie saam met ŉ kaal, jong, swart vrou. Die trefreël lees as volg: “In our future, you wouldn‟t look twice”. Hoewel gemengde huwelike lank nie meer iets ongewoon is nie, lê daar positiewe en negatiewe punte in hierdie boodskap en plakkaat opgesluit en smeek om ontleding. Dit is boonop ŉ politieke plakkaat en moet binne die konteks van die Suid-Afrikaanse politieke landskap asook die demografie van die teikengroep ontleed word. Eerstens moet die party 10 uit 10 kry vir waagmoed want dit verskuif werklikwaar nuwe grense. Ons is al lankal gewoond aan gemengde paartjies wat mekaar soen in advertensies en op mekaar verlief raak in sepies soos Generations en 7de Laan. Maar hierdie plakkaat, hoewel gemik op die betreklik liberale jeugsegment wat (nog) nie so sosiaal konserwatief soos hul ouers is nie, het in onverkende gebiedswaters begin vaar. Ek vermoed dit het nog steeds sommige 20-jariges geskok en sommiges gevlei maar in die algemeen het meeste studente, swart én wit, slegs daarvoor gelag. In ŉ pas uitgereikte boek deur die twee Stellenbosch-akademici, proff. Hennie Kotzé en Pierre du Toit, word daarop gewys dat sosiale konserwatisme een van die min waardes is wat alle Suid- Afrikaners deel. Gedagtig hieraan moet ek die DA geluk wens om nuwe kiesers met so ŉ wulpse plakkaat te probeer werf. Slegs die tyd sal leer of studente en ander Suid-Afrikaners vatbaar was vir so ŉ boodskap. Tweedens verdien dit ook punte omdat dit strook met die party se beeld waarvolgens integrasie, nierassigheid, ŉ oop geleentheid-samelewing en sosiale liberalisme die septer swaai. Die aanstelling van die jong me. Lindiwe Mazibuko as die party se leier in die parlement is tekenend van die vernuwing, verjonging en daarmee saam die diversifisering van die DA. Derdens het hulle die Grondwet in die letter en gees gestand gedoen. Hoofstuk 1 van die opperste wet van die land lui as volg: “Die Republiek van Suid-Afrika is een, soewereine, demokratiese staat gegrond op die volgende waardes: a) Menswaardigheid, die bereiking van gelykheid en die uitbou van menseregte en vryhede. b) Nie-rassigheid en nie-seksisme. Die Handves van Regte waarborg daarbenewens onder meer die vryheid van uitdrukking, mening, en gelykheid. Die party het hiermee die Grondwet volkome gestand gedoen en in die lig van Julius Malema se hatige retoriek en openlike rassisme – wat subtiel deur die ANC goedgekeur word – moet dit verwelkom word. Die party systap ook netjies die strik van dwang en voer aan dat integrasie dermate sal geskied onder die DA se bewind, dat veelrassige paartjies algemeen sal raak en dit nie in mense se kele afgedwing sal word nie. Die plakkaat het boonop die DA weer in die media-kollig geplaas en dit het altyd waarde, of dit goeie óf slegte publisiteit kry. Almal praat daaroor en dit is die hoofdoelwit. Maar terwyl die plakkaat dalk ŉ indruk op sekere mense gemaak het, ly dit twyfel of dit die regte boodskappe uitstuur. Met hierdie advertensie reduseer die DA, nes die ANC, ons politiek tot die element van ras. Dus vertel dit vir jongmense dat integrasie – en in hierdie geval erotiese integrasie – belangriker as beleid is. Volgens hierdie logika is veelrassige kopulasie mos belangriker as om te wys hoe werk geskep word vir die duisende jong mense wat elke jaar nie werk ná skool of afstudering kry nie. Seks is eweneens belangriker as om jou studies klaar te maak en nie vir ses jaar op universiteit te sit vir een graad nie. En in ŉ land met ŉ MIV/Vigs-koers wat van die hoogste ter wêreld is en waar duisende jongmense met hierdie virus besmet word en uiteindelik doodgaan daarvan, het die DA dit goed gedink om seks en ras bo goeie beleid te verhef. Die party het derhalwe Sowell se kritiek laat lewe kry deur iets te skep wat hulle dink deur die land se mense aanvaar behoort te word. Hulle skep dus die “regte” werklikheid, bepaal wat “moreel” reg is en dwing dit op Suid-Afrika af, want dit is mos “hulle” toekoms. Nes die ANC skep hulle dus ŉ “meesternarratief” van wat die beste is en word die res van Suid-Afrika dus as‟t ware na die volgende fase van ontwikkeling gelei. Ons is dus nog nie volmaak nie, maar moet eers na hierdie utopie of finale stadium gelei word, aldus die party. Hoewel die boodskap grondwetlik onberispelik is, is dit polities onvernuftig. Die klassieke fout wat die liberale nog altyd gemaak het is om te aanvaar almal is dieselfde en dink eenders. Dit is wel so dat as jy elke persoon oopsny kom daar rooi bloed uit, ongeag die persoon se velkleur. Maar in die praktiese politiek word voorkeure bo grondwetlike ideale verhef. Sommige mense sien die plakkaat as sagte pornografie en dink dis nog ŉ kreeftegang in die morele karakter van die land. Ander mense van verskillende ouderdomme en rasse is bloot gekant teen veelrassige verhoudings. Swart mans en wit vroue voel uitgesluit deur die plakkaat omdat hulle nie daarin verteenwoordig word nie. Swart vroue voel hulle word as objekte eerder as mense gesien. Uiteindelik is almal ontnugter en skepties. Presies dit wat die DA wou vermy.►► 11 Success seems to be connected with action. Successful people keep moving. They make mistakes, but they don't quit. " 11
Page 1 and 2: = Uitgawe 33 Februarie 2012 R6.50 L
Page 3 and 4: Goudvissies in dié bakke dalk gou
Page 5 and 6: Some fast facts about Osteoporosis
Page 7 and 8: Verband tussen klimaat, oorloë Lon
Page 9: Plaaslike Owerheid o.a. Anti-corrup
Page 13 and 14: Sakemanne in Springbok stel voorbee
Page 15 and 16: Catharine‟s Heart Craft Centre, H
Page 17 and 18: Wat sê die Arbeidswet? WERKGEWER -
Page 19 and 20: NAMAKWA DISTRIKSMUNISIPALITEIT VERE
Page 21 and 22: HOME IS WHERE YOUR JOURNEY BEGINS N
Page 23 and 24: "Grazia de Beer initiated the Port
Page 25 and 26: Lekkerleesfees! Lekkerleesfees! Lek
Page 27 and 28: Namakwa Boerdery Geskiedenis van vo
Page 29 and 30: Classifieds / Klein Advertensies 29
Page 31 and 32: Hatched, matched and dispatched / G

In hierdie uitgawe

You also want an ePaper? Increase the reach of your titles

Delete template?

Save as template?