You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
DA-plakkaat<br />
veroorsaak opskudding<br />
Die DA studenteorganisasie (Daso) het ʼn<br />
opskudding veroorsaak op sosiale netwerke<br />
nadat die organisasie sy nuwe<br />
werwingsplakkaat op Facebook geplaas het.<br />
IOL berig dat die plakkaat wys hoe „n wit<br />
man en swart vrou mekaar met kaal bolywe<br />
omhels. Die DA se jeugleier, Makashule<br />
Gana, het intussen die plakkaat verdedig.<br />
“Ons is ʼn nuwe generasie van mense en<br />
leiers en ons wil ʼn sekere samelewing te<br />
weeg bring, een waar mens nie twee keer sal<br />
kyk wanneer jy so iets sien nie. Ons praat<br />
van die toekoms.” Die plakkaat het ʼn storm<br />
ontketen op sosiale netwerke soos Facebook<br />
en Twitter met sommige mense wat dit as<br />
pornografie bestempel en sê dit sal meer<br />
gepas wees vir ʼn advertensie vir kondome as<br />
vir ʼn politieke organisasie. Daar is ook<br />
diegene wat die DA geloof het vir die<br />
plakkaat en meen dit is ʼn ware uitbeelding<br />
van die huidige Suid-Afrika. (Nico Strydom)<br />
"If you want things to<br />
be different, perhaps<br />
the answer is to<br />
become different<br />
yourself."<br />
Die DA-jeug se rassepolitiek<br />
Die legendariese swart Amerikaanse ekonoom, Thomas Sowell, het eenkeer in ʼn 11 debat ten velde<br />
getrek teen die persepsie dat swart mense gelykheid van uitkomste en dergelike beleide soos<br />
regstellende aksie en swart bemagtiging steun. Hy het veral die sogenaamde meningspeilings oor<br />
sulke kwessies gekap en gesê as ʼn swart persoon het hy nog nooit eers ʼn meningspeiler gesien nie.<br />
Sy skerpste kritiek was gerig op die sogenaamde liberale en linkses (ja, daar is ʼn verskil!) in die<br />
media, politiek en akademiese wêreld wat vir swart mense besluit wat die beste vir hulle is.<br />
Volgens hom steun swart mense nie gelyke uitkomste nie, die wit liberale skryf dit voor aan almal.<br />
Die DA se studentevleuel se nuutste bemarkingsplakkaat het weereens beelde van die briljante<br />
Sowell se sieninge by heelwat mense, my inkluis, opgeroep. Die plakkaat wys ʼn kaal, jong, blanke<br />
man in ʼn erotiese posisie saam met ʼn kaal, jong, swart vrou. Die trefreël lees as volg: “<strong>In</strong> our future,<br />
you wouldn‟t look twice”. Hoewel gemengde huwelike lank nie meer iets ongewoon is nie, lê daar<br />
positiewe en negatiewe punte in <strong>hierdie</strong> boodskap en plakkaat opgesluit en smeek om ontleding. Dit<br />
is boonop ʼn politieke plakkaat en moet binne die konteks van die Suid-Afrikaanse politieke landskap<br />
asook die demografie van die teikengroep ontleed word.<br />
Eerstens moet die party 10 uit 10 kry vir waagmoed want dit verskuif werklikwaar nuwe grense.<br />
Ons is al lankal gewoond aan gemengde paartjies wat mekaar soen in advertensies en op mekaar<br />
verlief raak in sepies soos Generations en 7de Laan. Maar <strong>hierdie</strong> plakkaat, hoewel gemik op die<br />
betreklik liberale jeugsegment wat (nog) nie so sosiaal konserwatief soos hul ouers is nie, het in<br />
onverkende gebiedswaters begin vaar. Ek vermoed dit het nog steeds sommige 20-jariges geskok<br />
en sommiges gevlei maar in die algemeen het meeste studente, swart én wit, slegs daarvoor gelag.<br />
<strong>In</strong> ʼn pas uitgereikte boek deur die twee Stellenbosch-akademici, proff. Hennie Kotzé en Pierre du<br />
Toit, word daarop gewys dat sosiale konserwatisme een van die min waardes is wat alle Suid-<br />
Afrikaners deel. Gedagtig hieraan moet ek die DA geluk wens om nuwe kiesers met so ʼn wulpse<br />
plakkaat te probeer werf. Slegs die tyd sal leer of studente en ander Suid-Afrikaners vatbaar was vir<br />
so ʼn boodskap.<br />
Tweedens verdien dit ook punte omdat dit strook met die party se beeld waarvolgens integrasie, nierassigheid,<br />
ʼn oop geleentheid-samelewing en sosiale liberalisme die septer swaai. Die aanstelling<br />
van die jong me. Lindiwe Mazibuko as die party se leier in die parlement is tekenend van die<br />
vernuwing, verjonging en daarmee saam die diversifisering van die DA.<br />
Derdens het hulle die Grondwet in die letter en gees gestand gedoen. Hoofstuk 1 van die opperste<br />
wet van die land lui as volg:<br />
“Die Republiek van Suid-Afrika is een, soewereine, demokratiese staat gegrond op die volgende<br />
waardes:<br />
a) Menswaardigheid, die bereiking van gelykheid en die uitbou van menseregte en vryhede.<br />
b) Nie-rassigheid en nie-seksisme.<br />
Die Handves van Regte waarborg daarbenewens onder meer die vryheid van uitdrukking, mening,<br />
en gelykheid. Die party het hiermee die Grondwet volkome gestand gedoen en in die lig van Julius<br />
Malema se hatige retoriek en openlike rassisme – wat subtiel deur die ANC goedgekeur word –<br />
moet dit verwelkom word. Die party systap ook netjies die strik van dwang en voer aan dat integrasie<br />
dermate sal geskied onder die DA se bewind, dat veelrassige paartjies algemeen sal raak en dit nie<br />
in mense se kele afgedwing sal word nie. Die plakkaat het boonop die DA weer in die media-kollig<br />
geplaas en dit het altyd waarde, of dit goeie óf slegte publisiteit kry. Almal praat daaroor en dit is die<br />
hoofdoelwit.<br />
Maar terwyl die plakkaat dalk ʼn indruk op sekere mense gemaak het, ly dit twyfel of dit die regte<br />
boodskappe uitstuur. Met <strong>hierdie</strong> advertensie reduseer die DA, nes die ANC, ons politiek tot die<br />
element van ras. Dus vertel dit vir jongmense dat integrasie – en in <strong>hierdie</strong> geval erotiese integrasie<br />
– belangriker as beleid is. Volgens <strong>hierdie</strong> logika is veelrassige kopulasie mos belangriker as om te<br />
wys hoe werk geskep word vir die duisende jong mense wat elke jaar nie werk ná skool of<br />
afstudering kry nie. Seks is eweneens belangriker as om jou studies klaar te maak en nie vir ses jaar<br />
op universiteit te sit vir een graad nie. En in ʼn land met ʼn MIV/Vigs-koers wat van die hoogste ter<br />
wêreld is en waar duisende jongmense met <strong>hierdie</strong> virus besmet word en uiteindelik doodgaan<br />
daarvan, het die DA dit goed gedink om seks en ras bo goeie beleid te verhef.<br />
Die party het derhalwe Sowell se kritiek laat lewe kry deur iets te skep wat hulle dink deur die land<br />
se mense aanvaar behoort te word. Hulle skep dus die “regte” werklikheid, bepaal wat “moreel” reg<br />
is en dwing dit op Suid-Afrika af, want dit is mos “hulle” toekoms. Nes die ANC skep hulle dus ʼn<br />
“meesternarratief” van wat die beste is en word die res van Suid-Afrika dus as‟t ware na die<br />
volgende fase van ontwikkeling gelei. Ons is dus nog nie volmaak nie, maar moet eers na <strong>hierdie</strong><br />
utopie of finale stadium gelei word, aldus die party. Hoewel die boodskap grondwetlik onberispelik is,<br />
is dit polities onvernuftig. Die klassieke fout wat die liberale nog altyd gemaak het is om te aanvaar<br />
almal is dieselfde en dink eenders. Dit is wel so dat as jy elke persoon oopsny kom daar rooi bloed<br />
uit, ongeag die persoon se velkleur. Maar in die praktiese politiek word voorkeure bo grondwetlike<br />
ideale verhef. Sommige mense sien die plakkaat as sagte pornografie en dink dis nog ʼn kreeftegang<br />
in die morele karakter van die land. Ander mense van verskillende ouderdomme en rasse is bloot<br />
gekant teen veelrassige verhoudings. Swart mans en wit vroue voel uitgesluit deur die plakkaat<br />
omdat hulle nie daarin verteenwoordig word nie. Swart vroue voel hulle word as objekte eerder as<br />
mense gesien. Uiteindelik is almal ontnugter en skepties. Presies dit wat die DA wou vermy.►►<br />
11<br />
Success seems to be connected with action. Successful people<br />
keep moving. They make mistakes, but they don't quit.<br />
"<br />
11