In hierdie uitgawe

More documents

Recommendations

Info

Ek dreig nou al „n rukkie lank om met die brief te begin…. Ek dreig nou al „n rukkie lank om met die brief te begin, maar die moed en die tyd, het my tot dusver nog begewe. Hierdie bom het bitter hard en bitter vinnig gebars en ons lei nog so bietjie aan bomskok. Ons sukkel nog om voete te vind en daar‟s feitlik elke week „n nuwe taak om aan te pak. Nietemin, hier is ons nou. Kom ons begin by die begin: Kempen is in Desember gediagnoseer met Diffuse large B-cell, Non-hodgkins lymphoma, stage 4. Stage 4 beteken dat dit aggressief is en in meer as een plek in die liggaam en in meer as een orgaan ook. Lymphoma is kanker van die bloedkliere om dit kortliks te stel. Sy kanker is feitlik orals en op die volgende plekke: Massiewe gewasse naby sy hart waarvan een ongeveer die grootte van „n tennisbal is. Massiewe gewasse in sy long. Sy lewer en milt is oortrek daarvan. Miljoene klein gewasse in,op en tussenin sy derms van die maag. In sy bekkenbeen en in sy onderste twee rugwerwels. Dit is feitlik in sy hele liggaam, omdat daar orals limfkliere is. Die bloed vloei deur die limfkliere en dus versprei die kanker orals heen. Ongelukkig is dit nie die tipe gewasse wat kan uitgesny word nie, want hy sal hom doodbloei. Hy kan ook nie bestraling kry nie, want die gewasse is te veel en te wyd versprei. Die eerste chemo wat hy gekry het, was R-CHOP. Dit het bestaan uit 1 dag, 7 – 9 ure op drip, 5 dae se pille en „n inspuiting op die 3de dag na die chemo. Daar was natuurlik allerhande komplikasies en sy onkoloë het toe uiteindelik besluit dat daar nie genoegsame vordering is met die behandeling nie. Sommige van die gewasse ontwikkel „n “dop” om en die chemo kan dit dan nie binnedring om dit af te breek en te vernietig nie. En omdat sny, of bestraling, nie „n opsie is nie, het hulle nou sy chemo plan verander. Hy ontvang nou R-ICE wat bestaan uit 4 – 5 dae, 24hr op drip, 3de dag inspuiting en pille op „n permanente basis. Hierdie chemo is egter VREESLIK sterk en breek die slegte sowel as die goeie af. Sy niere word deurgaans gemonitor vir skade en infeksie, sy bloed word getoets om te kyk of dit nog stol, hy kry vreeslike sere in sy mond en letterlik . AL sy hare gaan uitval. Hy was sedert gister so swak dat hy skaars kans sien om uit die bed uit op te staan. So in kort, die chemo maak hom baie siek! Die vorige chemo het alreeds die spiere en weefsel in sy regterbeen beskadig. Hy het min/geen gevoel van die bokant van sy voet af tot onder sy knie toe nie. Dit veroorsaak dat hy sukkel om te loop en soms gee die been sommer ook net mee. Hy moet fisio kry daarvoor en daar is ook „n spesiale skoen wat hy kan aanskaf teen so R1500, maar dit word beskou as „n kosmetiese prosedure en word dus nie deur die mediese fonds betaal nie. Die skoen is ontwerp teen „n “angle” wat dan die spiere oefen die heeltyd. As die gevoel in sy been terugkeer sal die skade nie permanent wees nie. Ons hoop en bid maar vir die beste. * Ons het vandag nuus gekry dat dit die kanker is wat in die senuwee ingegaan het van die been. Dit veroorsaak al die probleme. Die dokters sal verkies om te opereer wanneer hy klaar is met chemo om dit reg te stel.* Verder tas die chemo ook sy geheue aan en onthou hy nie meer so lekker nie. Hy het nog 4 chemo sessies oor waarna hy dan „n stamsel oorplanting moet kry. Sonder dit, het die dokters ons meegedeel dat hy sal doodgaan, want die chemo breek alle weerstand af en dit is die enigste manier om hom te help. Die stamselle bou sy liggaam se weerstand op. Op die stadium is die plan om sy eie bloed te vat, te hergenereer en weer terug te sit.Dit sal na die 2de chemo gebeur en gevries word vir latere gebruik. As sy eie bloed nie bruikbaar is nie, moet sy 2 broers s‟n gebruik word sou hulle gepaste skenkers wees. As een van hulle s‟n gebruik word, sal hulle moet Kaap toe gaan (van Windhoek af) op eie onkostes. Sou hulle bloed ook nie geskik wees vir donasie nie, gaan die dokters onmiddelik na „n lys van skenkers toe wat alreeds bestaan. Kempen sal ongeveer vir „n maand in die hospitaal wees. Die eerste week sal die oorplanting self wees en die volgende 3 sal hy in isolasie deurbring omdat hy dan vatbaar sal wees vir enige kieme en gogga‟s. Op hierdie stadium sal die dokters na die 2de of 3de chemo besluit of dit werk en dan van daar af die plan vorentoe bepaal. Oorspronklik is besluit dat hy teen Julie sal kan huistoe kom en dan teen September weer sal kan werk. Ongelukkig is daar nou besluit dat hy nie weer die jaar sal terug gaan werk toe nie, nog minder wanneer hy sal kan huis toe kom omdat hy net dood eenvoudig te swak sal wees. Dus is hy vanaf die maand op ongeskiktheid geplaas. Dit beteken dat hy net 75% van sy basiese salaries sal kry en hy sal nie geregtig wees op enige verhogings of bonusse nie. Die persentasie word ook jaarliks verminder en na 3 jaar word hy dan permanent ongeskik verklaar sou dit nog so lank aanhou. Dit is om hierdie rede dat my suster nie kan bekostig om haar werk te verloor nie en waarom sy nie saam met hom kan Kaap toe trek nie. Ons gaan deurgaans probeer om soveel as moontlik fondsinsameling te doen vir hulle as gesin. Daar is „n groot aantal dinge, wat „n mens nooit besef moet betaal word nie. Kostes wat nie deur die mediesefonds of deur Namdeb gedek word nie. Dit sluit in: petrolgeld Kaap toe en terug, asook petrol in die Kaap, selfoon lugtyd en datatyd vir internet gebruik, konsultasie- en medisyn fooie, klere (hy benodig feitlik maandeliks nuwe klere, omdat hy so vinnig maer word), toiletware ens. Omdat hy so gou siek word, moet hy naby aan die hospitaal bly. Op die oomblik bly hy by „n gastehuis waar die mense baie gaaf en goed is vir hom. Tog kry hy net ontbyt en moet hy self sorg vir aandete en middagete. As Liesbet saam met hom wil bly, kom dit uit ons sak uit. Dit is waarvoor die fondse sal gaan sowel as vir die aftrekkings wat hulle het wat nie gedek gaan word deur sy verminderde salaris nie. Soos julle kan sien is dit „n groot mond vol en dit is maar „n goor situasie. Hy was tot dusver nog baie sterk, maar die verlange na sy vrou en kind(ers), vriende, familie en huis begin nou knaag aan hom. Ek bid net dat God hom sal sterk maak en sterk hou deur hierdie hele proses. Liesbet gaan op die 6de Maart met kraamverlof en ons verwag om vir Boetie-baba so teen die 2de April te gaan haal by die hospitaal. Ons het besluit dat sy by Kempen sal gaan kraam, by Panorama hospitaal. Op die oomblik soek ons na „n plekkie waar hulle 4 en moontlik ek, sal kan bly vir so „n rukkie na die kraam. Iewers wat naby aan die hospitaal is sodat Pa darem tyd saam met sy seun kan spandeer voor ons moet huis toe kom en die paspoort-storie aandurf. As enigiemand kan help met dit sal dit wonderlik wees. Julle kan my kontak daarvoor. Nou ja – nou het ek „n mondvol geskryf. Namens my en die hele familie – BAIE DANKIE vir almal se gebede en hulp. Woorde en dade sal nooit kan wys hoe dankbaar ons is nie. Kempen gee nie om as iemand met hom wil praat nie. Hy vra net dat julle verstaan dat hy nie altyd kan antwoord nie en dat hy ook maar vergeetagtig en moeg is heeltyd. Julle is welkom om my te kontak vir sy besonderhede , ook sou julle „n donasie wil maak. Groete van my kant af! Daleen (+264 63 232632) daleendp@mtcmobile.com.na daleen@mtc.blackberry.com 20 Kleinzee Hengelklub Spanfoto Griekwas -met handtekeninge op- word Saterdagaand (3 Maart) by die Hengelklub se voorsittersete opgeveil t.b.v. Kempen. Enige iemand wat wil bie op die "portret" kan Magda Erasmus � 027 877 0237 / 084 800 0268 Sien ook Hengelklub se Facebook blad . Ondersteun asb. 20 19 20
HOME IS WHERE YOUR JOURNEY BEGINS Nostalgie word beskryf as daardie bittersoet verlange wat „n mens oorval wanneer jy na dinge, persone, situasies en ervarings van die verlede verlang. Dit kan ook beskryf word as homesickness. Die verlange na die huis. By Houthoop in Namakwaland is daar „n bordjie waarop daar staan: Home is where your journey begins. Jou reis het daar begin. Maar intussen het jy al ver op die lewenspad gereis. Elke tree wat jy gee, is verder van die huis, van die verlede af. As jy op „n dag van die besige pad afdraai en stilhou en stil word en nadink, dan oorval hierdie gevoel jou. Jy besef eintlik dat jy nie na die verlede kan terugkeer nie. Max Lucado skryf hierdie treffende woorde: You no longer have yesterday. It slipped away as you slept. Sorry, what‟s gone is gone. The second hand of the clock refuses to tick backward. You no longer have yesterday. Onlangs het ek ek my neef, Koos Victor, tot baie laat die aand op sy heerlike dek van sy huis op Onrus gesels. Natuurlik het ons oor die verlede gesels en aangename en minder aangename herinnerings opgediep. Ons het onder andere gepraat oor oupa Koos se plaas, Aasvoëlbos, en die tuishuis op Merweville, Voortrekkerstraat 66, waar ek gebore is. Dit is nie meer in die besit van die Victors nie. In daardie huisie en op daardie plaas het my lewensreis begin – baie jare gelede. En tereg sê Max Lucado, die horlosie kan nie agteruit loop nie. Jy kan dit ook nie met geweld terugdraai nie. Want „n horlosie is nie tyd nie. Dit meet maar net die tyd soos dit verbygaan. En met die water wat verby is, sal jou meul nooit weer maal nie, het die wyse Langenhoven geskryf. Op Aasvoëlbos lê „n hele paar van ons voorsate begrawe. Daar is pa se jongste broertjie wat by geboorte oorlede is, ouma Kittie wat na hom daar begrawe is en oupa se tweede vrou. Oupa self se graf is daar en sy een suster, tant Trynie. So ook die graf van pa se broer wat vir baie jare, eers saam met oupa en later alleen, daar geboer het. Maar die begraafplasie is verwaarloos. Die omheining is stukkend. Van die grafte het ingeval. Die terrein is vol bosse en vuilgoed. Ek het verlede jaar met die eienaar gesels en genoem dat die plek onnet is. Sy antwoord was dat dit ons saak is. Ons is welkom om dit te kom regmaak. Ek het nie geantwoord nie. Ek sou graag egter wou weet wat die verantwoordelikheid van „n nuwe eienaar is ten opsigte van grafte op „n eiendom wat hy koop. Sal dit in die koopbrief dalk beskryf word? Om te verwag dat die nageslag dit instand moet hou, is amper onmoontlik. Dis toe dat ons twee neefs vir mekaar sê dat ons seker die laaste twee is wat nog enige sentiment oor ons herkoms en plekke van herkoms het. Sy kinders woon in die buiteland en ek het nie kinders nie. En met ons ander niggie en neefs is dit maar dieselfde. Van hulle was sedert oupa se dood in 1966 nooit weer daar nie. En as ons geslag nie meer daar is nie, kan ons tog nie op hulle wat na ons kom, reken om daarna om te sien nie. Daarom dat ek toe die opmerking maak dat dit dan maar ook so moet wees. Ek kan tog nie daarna terugkeer nie. Dit mag die plek wees waar my reis begin het. Maar dit sal nie daar kan eindig nie. My reis na die toekoms gaan voort. En waar ek gaan rus, is nie in my hande nie. Mon repos! My rusplek is elders. ( Dr.Kobus Victor) Die Houthoop Gasteplaas 15km buite Kleinzee On suite / Hutte / Graskampering � 0832362152 / 027 8211 669 www.houthoop.info www.namaqualand-info.co.za SKY TREE-GEBOU - Met erkenning aan die Japansending: 21 Die Tokyo Sky Tree sal volgens verwagting voltooi wees teen Februarie 2012 met die amptelike opening op 22 Mei 2012. Die konstruksie van die wêreld se hoogste TV- en radiogolfuitsendingtoring het tot gevolg dat werkers hulle werk moet doen op ongelooflike hoogtes. Bokseile is so geplaas dat werkers teen die wind beskerm word en ook om die somtyds duiselingwekkende blik na die grond daar ver onder te verberg. Swaar gereedskap of selfs 'n bout wat van so 'n hoë struktuur in 'n besige woongebied val, hou ernstige gevaar in. Dit noop die bouer van die alreeds 634 meter hoë Tokyo Sky Tree om buitengewone voorsorgmaatreëls te tref. Twee veiligheidsgordels is aan elke werker vasgemaak. As werkers een losmaak om van een stellasie na 'n ander te beweeg, dan bly die ander een nog steeds in plek. Gereedskap en selfs balpuntpenne is met toue aan die werkers se gordels vasgemaak. Boonop is 100 meter lange beskermende staalpanele bo-oor die treinspoor reg onder die toring gesit. Te danke hieraan het geen werker of gereedskap nog sedert die begin van die konstruksie in Julie 2008 geval nie. Die staalraamwerk van die Tokyo Sky Tree is geverf met hoogs waterafwerende materiaal wat dit baie moeilik maak vir sneeu om daaraan vas te sit. Nieteenstaande hierdie maatreël is 'n hoop sneeu, wat waarskynlik van die toring afgeval het, honderd meter van die toring af gevind. Niemand is in die voorval beseer nie, maar dis kommerwekkend vir die plaaslike inwoners omdat dit menige gevare inhou, soos hoofbeserings, ens. “Ons veg teen die natuur. Alhoewel ons veiligheidsmaatreëls implementeer, kan onvoorsiene insidente tog voorkom,” sê 'n Tokyo Sky Tree Mpy. woordvoerder. “Daarom hanteer ons die situasie deur gereeld inspeksies te doen en te leer uit ondervinding wat ons opdoen.” Sky Tree- world‟s largest tower Regstelling: Januarie 2012 Namakwa Kletz 21 Me.C. van Niekerk was nie `n getuie, maar slegs waarnemer tydens die parlementêre sitting –Alexcor Ontwikkelingstigting. Foto: Lulama Zinzele 21 16
Page 1 and 2: = Uitgawe 33 Februarie 2012 R6.50 L
Page 3 and 4: Goudvissies in dié bakke dalk gou
Page 5 and 6: Some fast facts about Osteoporosis
Page 7 and 8: Verband tussen klimaat, oorloë Lon
Page 9 and 10: Plaaslike Owerheid o.a. Anti-corrup
Page 11 and 12: DA-plakkaat veroorsaak opskudding D
Page 13 and 14: Sakemanne in Springbok stel voorbee
Page 15 and 16: Catharine‟s Heart Craft Centre, H
Page 17 and 18: Wat sê die Arbeidswet? WERKGEWER -
Page 19: NAMAKWA DISTRIKSMUNISIPALITEIT VERE
Page 23 and 24: "Grazia de Beer initiated the Port
Page 25 and 26: Lekkerleesfees! Lekkerleesfees! Lek
Page 27 and 28: Namakwa Boerdery Geskiedenis van vo
Page 29 and 30: Classifieds / Klein Advertensies 29
Page 31 and 32: Hatched, matched and dispatched / G

In hierdie uitgawe

Create successful ePaper yourself

Delete template?

Save as template?