In hierdie uitgawe

►►Dit is bloot dwaas-idealisties om te dink almal dink dieselfde in ʼn uiters diverse
land soos Suid-Afrika. Die DA kan gerus gaan kyk wat het van die “nasiebou”projekte
van menigte Afrikaleiers ná onafhanklikheidswording geword: Hulle is
almal in die asblik. Die ANC probeer enersyds sy meesternarratief van nasiebou in
die vorm van swart vergelding, regstellende aksie en gelykheid van uitkomste
afdwing. “Ons sal versoen wees sodra die swartes die blankes se peil bereik,” lui
hul mantra. Dus, regstelling voor versoening. Ongelukkig kan jy nie een groep
benadeel en aftrek ten gunste van ʼn ander groep om versoening te bereik nie, want
dit gaan net nuwe ongelykhede en griewe skep. So daar het die ANC se plan reeds
misluk met sy foutiewe platform. Andersyds wil die DA bloot ʼn “sagter” weergawe
hiervan gebruik om sy doelwitte te bereik. Effens minder regstellende aksie, minder
swart vergelding en regstellende aksie lite terwyl wit mans met swart vroue trou.
Dus, versoening (met die klem op soen in plakkate) voor regstelling. Werklikhede in
ons land soos groepsgriewe, ongelykhede en kultuurverskille maak volgens die DA
nie saak nie, want ons is almal mos net individue sonder ons eie identiteite en net
dele van ʼn nihilistiese geheel.
Met beide groot partye in Suid-Afrika wat nie die realiteite en nuanses van die
bevolking verstaan nie en weier om te besef verandering kom van die mense af en
nie deur ʼn meesterplan nie, het ons geen ander lewensvatbare politieke opsies nie?
Ek wag nog vir ʼn plakkaat van mense van verskillende rasse wat mekaar help oor
statusgrense heen en waar ras nie die enigste faktor is nie.
(Eugene Brink)
Matriekvraag oor dosyne eiers bekommer LP
Kaapstad – Hoeveel eiers is in twee en ‟n half dosyn?
Dìt is een van die vrae wat glo in ‟n 2011-matriekvraestel vir wiskundige
geletterdheid gevra is en wat ‟n DA-LP Dinsdag die kop laat skud het.
Donald Smiles, DA-LP wat in die parlementêre komitee vir basiese onderwys
dien, het sy bedenkinge uitgespreek oor die gehalte van sommige vrae wat aan
matrieks gestel is.
Die nasionale departement van basiese onderwys en die
gehalteversekeringsliggaam Umalusi het voorleggings oor die 2011matriekeksamen
aan die komitee gedoen.
Smiles het gevra wat presies met so ‟n vraag op matriekvlak gemeet word.
“Ek verstaan nie hoe so ‟n vraag in ‟n matriek-wiskundevraestel kan kom nie. Wat
word getoets? Die konsep dosyn – en dit op matriekvlak?”
Hy het gevra die departement moet ondersoek instel na dié vraag, aangesien hy
nie seker is van die presiese bewoording nie.
Dr. Rufus Poliah, waarnemende hoofdirekteur van nasionale eksamens in die
departement, het ook ander kwelpunte uitgewys wat in Umalusi se assessering
van verlede jaar se vraestelle opgeduik het.
Boonop word dieselfde kortverhale reeds tien jaar lank op matriekvlak vir
Afrikaans as tweede bykomende taal voorgeskryf. Volgens Poliah kan dit daartoe
lei dat dié vraestel lank reeds te voorspelbaar is.
Umalusi het aanbeveel dat die voorgeskrewe werk hersien moet word.
Annette Lovemore, DA-LP, wou weet hoe dit kan wees dat vraestelle waarvan
Umalusi die gehalte nagaan op so ‟n swak peil is soos die Engels-vraestel wat
matriekleerders moes skryf.
In Umalusi se verslag is ook na 11 vakke in besonder gekyk en spesifieke
probleme geïdentifiseer.
Talle van die probleme word aan swak onderrig toegeskryf.
Poliah het gesê daar sal vanjaar gefokus word op skooldistrikte wat onderpresteer
en spesifieke aandag sal aan wiskunde, fisiese wetenskappe,
lewenswetenskappe en rekeningkunde gegee word. (Nuus 24)
Onaangepaste uitslae skokkend
Ondersoekspan, Media24-Ondersoeke
Johannesburg – Een uit elke ses matrieks wat verlede jaar wiskunde geskryf het,
het minder as 10% behaal en ‟n derde wat fisiese wetenskappe geskryf het, het
minder as 30% gekry.
Die onaangepaste syfers vir 2011 se matriekeksamen skets dié skokkende
realiteit van Suid-Afrika se onderwysstelsel. Dit staan in skrille kontras met die
blydskap van die minister van basiese onderwys, Angie Motshekga, toe sy die
eindresultate vroeër vandeesmaand aangekondig het.
Onderwyskenners het die syfers as “skrikwekkend” en “kommerwekkend” beskryf,
hoewel die amptelike slaagsyfer vir 2011 twee persentasiepunte hoër as 2010 s‟n
is. In 2009 was die slaagsyfer 61%.
Die onveranderde punte skets ‟n donker prentjie, veral wat betref belangrike
vakke soos wiskunde, wetenskap, ekonomie en rekeningkunde.
Volgens die departement se eie kriteria het net 9% van leerlinge wat wiskunde
geskryf het, genoegsame kennis van dié vak. Dieselfde geld fisiese wetenskap,
waar net 10% ‟n basiese begrip van die vak het.
GRADEPLEGTIGHEIDSFUNKSIE VIR
GR. R -OPVOEDERS
Isaac Cloete
12
Volgende maand gaan die streek se Gr. R opvoeders
met sertifikate beloon word vir hul harde en toegwyde
diens aan die streek se voorskoolse leerders.
Ongeveer 43 leerders van die Namakwa Distrikskantoor is
die afgelope tyd intensief opgelei om voorheen benadeelde
leerders, met agterstande in taal en
vaardigheidsontwikkeling doeltreffend te onderrig.
Hulle het die sogenaamde program in Basiese Begrippe
Program (Basic Concepts Programme) voltooi en gaan op
20 Maart hulle sertifikate hiervoor ontvang, tydens „n spesial
seremonie.
Volens die projekleier, van die program, Dr Louis Benjamin,
het hierdie 43 opvoeders die kuns bemeester om „n gunstige
klaskamer- en leeromgewing vir hulle leerders te skep.Deur
middel van hierdie belangrike grondleggingswerk is hul
leerders nou voorberei en gereed om na die volgende stap
te beweeg.Dit sluit in die vermoeë om te leer lees, skryf en
berekeninge te doen.
Benjamin voorts gesê dat die Gr. R-opvoeders baie moeilike
uitdagings in die streek die hoof moet bied.
“Boonop het baie nie die nodige of voldoende opleiding om
voorskoolse kinders te onderrig nie.Die meeste van die
kinders is ook nie altyd skoolgereed nie, wanneer hulle na
die laerskool toe moet gaan.
Hierdie program( BCP) is daarop gemik om die Gr.Ropvoeders
toe te rus met basiese boustene sodat hulle
presies weet en verstaan hoedat jong kinders dink.Die BCP
het ook „n positiewe uitwerking op die algehele skolastiese
vordering van leerders met leerprobleme het Benjamin ten
slotte, bygevoeg.
Die projek word aangebied deur die Namakwa-Distrik
Onderwys Departement wat die klem plaas op „n vroeë
grondslag vir leer. Dit word befonds deur die Rural
Namaqualand Education Trust.
Volgens me.Rose Fielding, van die distrikskantoor, op
Springbok, gaan die plegtigheid op 20 Maart plaasvind by
die skoolsaal van Springbok Primêre Skool.
Gr R’e besig om te basiese begrippe baas te raak
"Emancipate yourself
from mental slavery,
none but ourselves 12 can
free our mind."
12
12