In hierdie uitgawe

Verband tussen klimaat,
oorloë
Londen – Oorloë en burgerlike konflik is twee keer
meer geneig om plaas te vind tydens jare waarin
El Niño-klimaatstoestande voorkom, het „n studie
bevind.
Die natuurlike weerverskynsel, wat temperature
laat styg en reënval laat daal, kom elke drie tot
sewe jaar oor „n groot deel van die wêreld voor.
Die Amerikaanse navorsers het bevind die
verskynsel verdubbel die kans op burgeroorloë in
verskeie tropiese lande.
Hul navorsing is in die joernaal Nature gepubliseer
en is die eerste om „n verband tussen die stabiliteit
van moderne samelewings en die klimaat te
probeer vind.
“As daar ongelykheid in die samelewing is, as daar
onderliggende wrywing is, is dit moontlik die
klimaat gee die uitklophou,” het die hoofnavorser
Solomon Hsiang gesê.
Die navorsers meen El Niño kan in die laaste
halfeeu vir tot „n vyfde van die wêreld se konflik
verantwoordelik wees.
I Believe...
That just because two people argue
it doesn't mean they don't love each
other.
And just because they don't argue,
it doesn't mean they do love each other.
Facebook : Namaqualand-info /
of : www.namaqualand-info.co.za
'Urine is goed vir kweek
van groente'
Johannesburg. – Australiese wetenskaplikes het
met ‟n veldtog begin om mense ter wille van
voedselsekerheid en skoon waterbronne te oorreed
om hul urine te herwin en hul groentetuine
daarmee te bemes. Die wetenskaplikes by die
Instituut vir ‟n Volhoubare Toekoms by die Sydney-
Universiteit van Tegnologie (SUT) het gesê urine is
‟n belangrike bron van fosfor en behoort daarom as
natuurlike bemestingstof vir gewasse gebruik te
word.Dena Fam, leiernavorser, het aan die
Australiese medianetwerk ABC gesê fosfor is die
hoofoorsaak van die verryking en gevolglike
besoedeling en algegroei in die wêreld se
waterbronne. Dit beland in riviere en damme deur
rioolsuiweringstelsels wat onklaar geraak
het.“Terwyl kundiges waarsku fosfor, sowel as
skoon water, is besig om al hoe skaarser te word,
klink die herwinning van urine dalk na ‟n radikale
oplossing. Historiese navorsing het egter bewys in
antieke tye het mense – van die ou Grieke tot die
Arabiere – hul eie urine gebruik om gewasse mee
te bemes,” het Fam gesê.Mense kan dalk
wegskram van dié gedagte, maar die waarheid is
dat urine feitlik steriel is sodra dit die liggaam
verlaat.“Die hoeveelheid nie-herwinbare fosfor, wat
noodsaaklik is vir alle lewe op aarde, is besig om te
kwyn en urine bevat alle voedingstowwe – fosfor,
potassium en stikstof – wat nodig is vir die kweek
van gesonde groente.”Fam en haar
navorsingsvennote gebruik nou tegnologie om
urine van vaste stowwe te skei, asook “droë
toilette” wat reeds in Finland en ander dele van
Skandinawië gebruik word. Die urine word as
natuurlike bemestingstof in ‟n eko-dorpie naby die
SUT gebruik en die groente daar groei glo
welig.Fam en haar kollegas doen nou ook
navorsing om te probeer vasstel watter medisyne
en ander hormonale middels in urine is wat
plantgroei moontlik kan benadeel.Volgens Fam
moet mense oorreed word om kulturele
vooroordele te oorkom en die konsep van urineherwinning
te aanvaar. Hulle het reeds ‟n
ooreenkoms met ‟n maatskappy gesluit wat Sydney
se urine gaan herwin. Die navorsers gaan nou ‟n
spesiale groentetuin buite die stad aanlê en net
urine gebruik om die groente mee te bemes.
Men for the sake of getting a
living forget to live.
Tant Ina se Kook en
Geniet laat rekords spat
Dit was bitterlik harde 7 werk wat haar
ma die sukses gemaak het wat sy
vandag steeds is, sê Eunice van der
Berg, die dogter van die kookboeklegende
Ina de Villiers.
En tant Ina, soos almal haar geken
het, oortref vandag nog rekords– 60
jaar nadat Kook en Geniet in haar
agterplaas in Pretoria die eerste
keer die lig gesien het.
Hierdie immergroen resepteboek het
pas die magiese verkoopsyfer van
1111111 oortref.
Human & Rousseau het die
publikasieregte van sowel die
Afrikaanse as Engelse boeke in
1990 oorgeneem nadat De Villiers
dit al die jare self uitgegee het.
Van der Berg, ‟n huishoudkundige
soos haar ma, het later meer as ‟n
jaar lank saam met haar vriendin en
kollega Heleen Meyer aan die bygewerkte
uitgawe gewerk, wat in
November 2009 verskyn het.
Hoewel sy die boek gemoderniseer
het, was dit vir haar belangrik om
die boek as eenheid te benader, die
essensie te behou en iets van die
kultuur wat dit weerspieël, vertel sy.
Haar ma het sommer van vroeg al
metrieke mate ingebring, maar altyd
die koppies en lepelgroottes tussen
hakies behou. Dis vandag nog so.
“Ons het meestal foute reggemaak,
hier en daar herhalings uitgegooi en
enkele van die heel outydse
resepte. Ek was vas van plan om
die resep vir gekookte skaapboud te
skrap, maar toe sê ‟n vriend en
bekende sjef dis deel van ‟n
klassieke Franse tradisie.
“Só het die jellieslaaie ook gebly, en
selfs bron en hoe om tarentaal te
maak. Dis vir daardie resepte
waarvoor baie mense vandag nog
die boek koop.”
Een klassieke resep wat aangepas
is, sê sy, is die bekende “Japie se
gunsteling”, ‟n gebakte
lemoenpoeding. “Die poeding is na
my pa genoem. Ek weet nie of dit is
omdat hy altyd gesê het dis so
lekker hy eet als op nie, maar die
resep was baie klein. Ons het dit toe
met ‟n halfgrootte vergroot.”
7
7
7