In hierdie uitgawe

HULDEBLYK
JAN AURET
(21/08/40 – 14/02/12)
Johannes Petrus Auret (Jan)
is die tweede oudste van ses
kinders van oom Hendrik en
ant Kowa Auret, van Aigab,
naby Wallekraal.
Hy het op die familieplaas, Aigab,
grootgeword en het op Wallekraal
onder die bekwame hande van Jan & Rina Auret
wyle Karel Meiring sy laerskooljare
deurloop. Jan was „n skrander leerling en dit het hom net vyf jaar
geneem voordat hy 1954 na Garies Hoërskool toe bevorder is.
Einde van 1958 het hy gematrikuleer en daarna moes hy met die
trein vanaf Bitterfontein die vreemde inry om sy studies op
Stellenbosch voort te sit.
Die familie het dit nie breed gehad nie en Jan moes vakansies op
Alexanderbaai gaan werk vir „n ekstra inkomste. Soos ons die
Namakwalanders ken, weet ons dat hulle „n ingebore wil het om die
boonste trap te bereik en Jan was geen uitsondering nie.
Hy was „n gebore leier en het ook desjare die eerste rugbyspan van
Garies aangevoer, wat Springbok op sy eie veld afgeransel het.
Onderwys was die loopbaan wat hy gekies het en sy eerste
hoërskoolpos was by Diamantveld Hoër op Kimberley. Hier het hy
sy vrou, Rina, wat ook „n leerkrag was, ontmoet en hulle is 1965 op
Witbank getroud. Hulle het 2 seuns en 2 dogters. As
hoërskoolonderwyser het hy vroeg sy stempel afgedruk en sy
eerste skoolhoofpos was Vryburg, waar hy vir 2 en „n half jaar die
septer geswaai het. Diamantveld Hoër het goed geweet wat hulle in
Jan het en is hy ook die pos van hoofskap aangebied wat Vryburg
armer gelaat het. Op die jeugdige ouderdom van 45 het hy hierdie
sonderlinge prestasie behaal om Diamantveld Hoërskool se leisels
vir die volgende twee dekades te hou.
Die personeel van hierdie skool en die ouerkorps het onder Jan se
bekwame hande dié skool in die Noordkaap geword. Die slaagsyfer
van sy matrieks het elke jaar die skool vooruit geloop. Vandag nog
word hy deur sy ou personeel en oudleerlinge vereer vir sy
besondere bydrae tot die opvoeding.
Jan was „n kranige hengelaar en as gesin het hulle elke jaar naby
Strandfontein, waar sy voorouers gebly het, gaan uitkamp om „n
lyntjie nat te maak.
Jan en Rina het 1996 afgetree en 2 jaar later Namakwaland toe
getrek na hulle familieplaas, waar hulle dan ook deel geword het
van Wallekraalwyk. Sy gewildheid as hoof het wyd gestrek, want hy
is laterjare gereeld as spreker genooi na sy skool waaraan hy byna
sy hele onderwysloopbaan gewy het.
In die Wallekraalwyk het Jan en Rina ook „n reuse bydrae gelewer,
veral tydens ons wyksbasaar. Hy was die afgelope 4 jaar ons
wyksouderling, maar ongelukkig het hy siek geword tydens sy
dienstermyn. Ons is jammer om te moes verneem dat hy in die
vroegmôre-uur van 14 Februarie die stryd teen kanker verloor het.
Sy oudkollegas, vriende en naasbestaandes salueer die ou grote,
wat nog lank onthou sal word. Ons as wyk van Wallekraal en die
gemeente van Garies groet hierdie begaafde mens en bid vir Rina
en hulle kinders alle sterkte toe.
(Hestelle Engelbrecht)
Springbok Golfklub
Namakwaland, Suid Afrika
www.springbokinfo.co.za
Die 18 putjie Springbok Golfklub is geleë in
'n lieflike landelike omgewing sowat
6 km buite die dorp op die pad na die
vliegveld en die Goegap Natuurreservaat.
‟N NUWE BEGIN... MET NUWE
DOELWITTE
Deur Benescke Janse van Rensburg
26
‟n Bekende gesegde lui: “Die persoon wat nalaat om te beplan, beplan
om te misluk.” Sonder duidelike doelwitte word ons soos iemand wat in
sy of haar motor klim en sonder ‟n eindbestemming begin ry. Maak nie
saak hoe spoggerig die motor is of hoe vinnig dit kan ry nie, na ‟n ruk sal
die tenk petrol leeg wees en die persoon sal steeds geen bestemming
bereik het nie.
Dink vir ‟n oomblik waar jy oor ‟n jaar van nou af wil wees. Wat wil ‟n
beter werk hê? Wil jy gewig verloor? Oorsee gaan? Beter verhoudings
met jou familielede of kollegas by die werk hê? Toe, dink vir ‟n oomblik.
Besef jy dat die manier hoe jy vandag en elke dag hierdie jaar gaan
aanpak, jou nader of verder van daardie doelwitte gaan bring? Hier is
twee wenke wat jou kan help met die stel van doelwitte vir 2012:
Wenk 1: Vra God se leiding
In Spreuke 16:9 lees ons: “'n Mens beplan sy pad, maar die Here
bepaal hoe hy loop.” Voordat jy dus jou doelwitte neerskryf, vra die
Heilige Gees om jou te lei. Vra spesifiek dat God aan jou sal wys wat Hy
vir jou vir 2012 beplan.
Wenk 2: Wees spesifiek
Kry doelwitte vir die jaar, maar breek dit af na doelwitte vir elke maand en
dan elke week. Kleiner doelwitte maak dit makliker om die groter
doelwitte te bereik. Gebruik gerus hierdie sewe kategorieë as ‟n
vertrekpunt om doelwitte vir 2012 te stel:
1. Werk (Wat wil jy in hierdie jaar in jou werkplek bereik?);
2. Sosiaal (By watter vriende moet jy meer gaan kuier? Vir watter
van jou ongelowige vriende moet jy meer bid?);
3. Finansieel (Besluit watter gedeelte van jou salaris jy gaan
spandeer om jou tiende te betaal, om te spaar of om armes te
help);
4. Verhouding met God (Besluit watter tyd van die dag jy saam
met God gaan spandeer – byvoorbeeld ‟n halfuur voor werk of ‟n
tyd oor middagete?);
5. Familie (Besluit om gereeld vir jou familielede te bid en/of hulle
gereeld te kontak);
6. Gesondheid (Besluit om meer gesond te eet en meer oefening
te kry);
7. Drome (Neem ‟n besluit om ten minste een van jou jare lange
drome hierdie jaar te probeer verwesenlik).
Onthou, jy gaan dalk nie eensklaps daai oortollige 10kg afskud, ‟n 10km
wedloop kan hardloop of met jou onbeskofte kollega oor die weg kom nie.
Tog, met dissipline, klein opofferinge en baie gebed, sal jy beleef hoe jy
mettertyd makliker “nee” sê vir soetgoed, begin draf sonder ‟n miltsteek
en selfs ‟n vriendskap met daai onbeskofte kollega kan aanknoop. Kom
ons neem die eerste stap en beplan ‟n onvergeetlike 2012!
26
7
15 15
25 20
26