View/Open - UZSpace Home - University of Zululand

93
Umcwasho awusiyo intfo yemuntfu munye, yintfo yesive. Ngako-ke nangabe
kukhona libutfo letintfombi lokufunwa lijutjwe, labadzala 'bemmango
bayahlangana babonisane.
3.6.1 Kwetfwalwa Kwemcwasho
Emantfombatana letfwala umcwasho abasemkhatsini kweminyaka lelishumi
namitsatfu kuya emashumini lamabili namibili. Kuba libutfo linye laleyo
nkhosatana lehlonishwako. Kubekisa nje Lunyati libutfo lelatfwalela
umntfwanenkhosi Mantfombi lowendze kaZulu nga 1970-71, kwalandzela
Ingabisa lebeyitfwalele umntfwanenkhosi Sabisile, loku nga 2002-2003
sekwetfwele Imbali, libutfo leletfwalele kuhlonipha umntfwanenkhosi
Sikhanyiso. Umcwasho akusiyo intfo yaminyaka yonkhe njengemhlanga.
Kasenene (1993:97) utsi kunyenti lafundziswa kona emantfombatana
ngalesikhatsi atfwele umcwasho. Loku kufaka ekhatsi kutiphatsa kahle
bahloniphe imitimba yabo kuze bagcineke bamsulwa, buntfombi bawo
bungakonakali. Utsi lawo lasaganile wona ayafundziswa nawo kutsi kufanele
atiphatse njani natfuke avakashela tingani tawo. Lawo langakagani akalokotsi
agane umcwasho ungakalahlwa bese indvuna yawo iwakhulula kutsi
sangagana. Lawo majaha laganwe ngulamantfombatana latfwele umcwasho
ayatigcabha ngobe asuke ati kutsi atfole bafati sibili. Batali nabo bayajabula
kutsi bantfwababo baphumelele, babite emalobolo bangenaluvalo. Kulabo
batali bantfwana babo labehluleke kutibamba bavumela tingani tabo tafohla
tibaya taboyise, bayajeziswa. llntfombi tidla tekondza nakutfuke kwaba
nelijaha lelingakahloniphi latsintsa intfombi letfwele umcwasho. Shongwe
(1992:90) utsi:
Umfana vena
awumeyami.
kubekelwe nje
Awumtsintsi
kutsi
ngisho