View/Open - UZSpace Home - University of Zululand

66
buluhlata nekungayihloniphi indvodza yayakhe, naJendvodza iyalulateka
emmangweni. Kodvwa umfati lobhadlile uyabeketela kwale ngisho indvodza
seyimshaya akasheshi akuvete loko.
Mamba (2003) ubeka kanje:
Umfati akashaywa ngesiSwati nome onile
umane umetfuse ngekubhula sidvwaba.
Uchubeka achaze kwekutsi umfati yintfo lenkhulu emaSwatini, ngako indvodza
leshaya umfati iyahlawuliswa nangabe indzaba ize yefika ebandla. Kuba kubi
kakhulu nangabe umfati aze wemuka ngobe kuba ngumtfwalo wave
lendvodza kutsi imlandze kubakubo.
Lokunye lokubalulekile lokwentiwa ngumfati ekhaya Iigalelo lakhe ekugcineni
lulwimi Iwesive. Umntfwana utalwa angakwati kukhuluma, kodvwa kuba
ngunina lokhulumisa umntfwana anganaki nekutsi angeke amphendvule.
Umntfwana uluva kunina lulwimi aze akwati nave kuvula umJomo akhulume.
Uma umntfwana acala kukhuluma kuba kunyenti lakukhulumako
lokungevakali, loku kwentiwa kutsi sidze sikhatsi aloku eva kukhulunywa tintfo
letinyenti. KUbonga nakaphiwa ufundziswa ngunina. Uphindza futsi
amfundzise nesinanatelo saleso sibongo sakhe. Empeleni make unguthishela
lomkhulu welulwimi ekhaya ngobe nguye lotfolakala ekhaya ngaso sonkhe
sikhatsi. Nome unina wemntfwana mbamba asebenta, ufuna umfati nome
intfombatana letawusala nalomntfwana. Lokungenani kuba ngugogo nje
losengakakhuli kakhulu. Kuphangisa nekwephuta kwemntfwana kukhuluma
kuba kulowo muntfu labanaye sikhatsi sonkhe. Lokwenta kubelula kufundza
lulwimi kumntfwana, kuhlala namake lokhulumako futsi longavilaphi
kukhuJuma. Uma make angakhulumi, nemntfwana utakuba yimbebebe.
Ngako-ke sive setsembele kubafati ngasendzabeni yekugcinwa kweJulwimi.