View/Open - UZSpace Home - University of Zululand
View/Open - UZSpace Home - University of Zululand
View/Open - UZSpace Home - University of Zululand
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
108<br />
asipheli, nakukhona l<strong>of</strong>ikako, bavele bangene endlini balilelane. Bantfu labeta<br />
esililweni abafani, labanye lasebangenwa yinkholo yebuKhristu bangena<br />
bahlabele Iiculo labo macedze bathandaze nome bafundze emavi ekudvudvuta<br />
encwadzini leNgcwele. Nakwentekile kwefika loluhlobo lolukhala<br />
lusachamuka, labafelokati bayadzabuka bakhale kakhulu nabo ngenca yalaba<br />
lababavusela emanceba. Bafati labasitsembu, ngalesikhatsi bafukeme bahlala<br />
ndzawonye. Kute loya endlini kakhe, bonkhe bafukama kamfati lomkhulu<br />
kuze kuphele leyo nyanga. Batsandzana nome bangatsandzani nasekufe<br />
indvodza konkhe bakwenta kanye kanye. Bahamba kanye ngisho sebaya<br />
endlini lencane.<br />
4.3.2 Umngcwabo<br />
Umngcwabo uhlonishwa kakhulu esiveni semaSwati ngenca yemisimeto nome<br />
emasiko laphatselene nawo. NgesiSwati umngcwabo yintfo yebantfu<br />
labadzala, ikakhulu labadvuna ngobe ngibo labetfwala luhlaka futsi kuphindze<br />
kube ngibo labemba baphindze bagcibedzele umgodzi. Bantfwana<br />
abasondzeli nakancane. Imingcwabo-ke ayifani, kuya ngekutsi l<strong>of</strong>ile unganani<br />
nekutsi wakabani. Kubekisa nje, bakaDlamini nome basebukhosini, bona<br />
bangcwatjwa emihumeni nome etihhehleni ngekusho kwaDlamini (2003).<br />
Uchubeka achaze kutsi onkhe emakhosi wona angcwatjwa eMbilaneni<br />
lekuyintsaba yekungcwaba wona emakhosi ase5watini. Nome ngabe inkhosi<br />
lekhotseme ikuphi nele5watini kodvwa iyetfwalwa iyiswe eMbilaneni lapho<br />
ifike yentiwe yonkhe imisimeto lefanele. Letinye tintsaba uMdzimba,<br />
Lukhondze naletinye, tona-ke kulapho kungcwatjwa khona bantfwabenkhosi<br />
labadvuna. Labasikati bona abayiswa entsabeni, kodvwa kuba nendzawo<br />
yabo rapho bangcwatjwa khona.
Change language