View/Open - UZSpace Home - University of Zululand

77
labayihamba ngetinyawo, lokunye kukhishwa kwemajaha latawuchuba
tintfombi abone nase kunenkinga nome sekukhona logulako.
3.3.1 Kuphuma Kwawo
Kungatsiwa uyezwa na!, tintfombi tichamuka kuto tonkhe tigodzi takaNgwane.
Nguleso naleso sikhulu sikhipha emajaha lamane kutsi achube tintfombi kuze
kutsi nangabe kukhona umntfwana logulako kube ngawo layewubikela bakubo
nome bamphutfumise esibhedlela. Titsi-ke natifika emphakatsi kalobamba
tindvuna tihambe tiyewubhalisa kutsi tibuya kusiphi sigodzi neligama lesikhulu
lesitiphetse kanye nekutsi tingaki. Nasekubhalisiwe bese kuhamba tindvuna
tiyawuniketwa kudla lokusuke kulungiselwe tona tintfombi. Titsi tingadla
tikhonjwe lapho tiyawulala khana emahhulumbeni bese titjelwa kutsi
ngakusasa kufuneka tibutsane khona ebaleni kalobamba lapho tiphumela
khona. Tingakaphumi tiyayalwa kutsi titiphatse kahle endleleni. Tindvuna
tetintfombi kanye nemajaha lachuba tintfombi tetigodzi letehlukene nato
tidvonswa ngendlebe kutsi titicaphele tintfambi endleleni. Mavuso nalabanye
(1983) utsi kubakhona inkhosatana letinikwa yana tintfombi kutsi kube
ngiyona tihamba nave natiyawugeca umhlanga.
Natiphuma tehlukana tigaba letimbili labancane bona bawugeca
kaBhamsakhe lena ngaseMdvutjane ngobe kudvutane khona. Kantsi laba
labadzala bona bawugeca eSidvokodvo. Kodvwa kuyenteka ngalesinye
sikhatsi bayewugeca eMbuluzi epulazini eMphisi. Uyahlonishwa-ke lelisiko
name ngabe tintfombi tendlulaphi, akekho-ke longangenela endleleni ngobe
loko kukhombisa kungahloniphi bukhosi. Dlamini (2003) uts!, tintfombi
tishikisha ngeJunyawo tiya noma tibuya, akugitjelwa mati nome ibhasi. Utsi
sive siwuhlonipha kakhulu umhlanga, loka utsi kubonakala kakhulu rapho