View/Open - UZSpace Home - University of Zululand

16
(Iocashuniwe) uchubeka achaze kutsi nangabe leyo ndlovukazi lekhetsiwe
ite bantfwana, kutsatfwa lomunye kubantfwabenkhosi afakwe esiswini
sayo kuze abe yindlalifa. Lowo mntfwana ukhetfwa naseyikhotseme
inkhosi hhayi isaphila. Yinhlonipho yemaSwati lejulile leyo nalengeke
ivisiseke kube kuhamba, kodvwa umuntfu loliSwati uyati kutsi loko
kungumhambo wemaSwati nalangeke esuka kuwo.
Tsandzile nakakhetfwa abesesidzandzane lesisengakatfombi nekutfomba,
kodvwa ngalesikhatsi akhetfwa kwadvuma 'Bayethe' kulawo madvodza
labebuya eSwatini. Loko kuluphawu Iwekumhlonipha njengenina wenkhosi
letawutalwa. Kwaba ngumsebenti wesalukati kumgadza aze atfombe,
kwaba ngukhona atekwa ngekwelisiko lemaSwati. Matsebula
(Iocashuniwe) utsi emadvodza amfaka esibayeni amgcobisa ngemcuba
lohlanganiswe nemfukwane lokungemafutsa emakhosi netindlovukazi.
Lena yindlela lahlonishwa ngayo Tsandzile, wangete watekwa ngulabanye
bafati njengobe kwenteka kulabanye. Lokunye lehlonishwa ngako inkhosi
kutsi ingete yelanywa nangeliphutsa.
Inkhosi ihlonishwa njengeyise wesive. Kubo bonkhe bantfu iyinkhosi,
ngisho nebantfwabayo bakhuluma ngenkhosi hhayi uyise. Kanjalo unina
kanye nemakhosikati ayo nabakhuluma nayo basebentisa leyo nhlonipho
yabo bonkhe, 'Nkhosi' nome 'wena waphakathi'. Empeleni kute
losebentisa Iigama lelikhomba buhlobo nakakhuluma nave nome akhuluma
ngayo.
Inkhosi ibusa sive sayo sonkhe isesigodlweni, iphindze futsi ihlonishwe
ngiso sonkhe sive ngenca yetindvuna kanye nebantfwabenkhosi lebabeke
etigodzini letehlukene kutsi bayibukele tona. Sive siyatihlonipha letindvuna
nebantfwabenkhosi ngobe bukhona babo kuletigodzi bumele inkhosi,
lokusho kutsi kungabahloniphi bona kungasho kungayihloniphi inkhosi