View/Open - UZSpace Home - University of Zululand
View/Open - UZSpace Home - University of Zululand
View/Open - UZSpace Home - University of Zululand
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
61<br />
Angacedza kuhlambisa ubese unikwa sihlantsi, atsi angahlala phasi bese<br />
kuthula kutsi cwaka. Ngufapho-ke atawuyicala khona lengoma levusa lusizi<br />
kubo bonkhe bafatl labagcotjiswa Iibovu ngobe nabo besuke sebakhumbula<br />
kwendza kwabo. Angaze agcotjiswe libovu nave agcobise lomntfwana wakhe<br />
welibovu lasuke anikwe vena, sewuboshelwe endvodzeni yakhe aze ahambe<br />
emhlabeni kantsi nalomntfwana sewuboshelwe kuye aze akhule endze nome<br />
ateke. Nasagcotjisiwe ngulapho atfola Iigama lelitsi ungumfatl, akasesiyo<br />
intfombi nome angabukeka amncane ngesidvumbu kodvwa sewuhlonishwa<br />
njengemfati wendvodza.<br />
Akasabitwa ngeligama lakhe lekutalwa kepha sewubitwa ngesibongo sakhe.<br />
Nangabe awakaShongwe uba ngulaShongwe lokusho kutsi ngumntfwana<br />
waShongwe. Lesinye sikhatsi nangabe babili bafatl baleso sibongo<br />
kulelokhaya, ubitwa ngeligama leYise, kutsiwe ngulaMsudvuka nangabe uyise<br />
anguMsudvuka. Kuyenteka futsi abitwe ngalomntfwana lagcotjiselwe ngaye,<br />
kutsiwe nguNaboGcebile nangabe Iigama lemntfwana kunguGcebile. Makoti<br />
lophuma ekhaya lelinenhlonipho ufike abonakale ekuphatseni lomntfwana<br />
welibovu. Umphatsa njengewakhe cobo baze nalaba bakhe bangati kutsi<br />
akatalwa nguye. Mamba (2003) utsi kugcotjiswa Iibovu ngusona sicongo<br />
sekumekeza, nangabe makoti angakakhali nakacala lengoma, labadzala batsi<br />
usuke atihlolela. Uchubeka achaze kutsi umfatl nakacala lengoma uveta<br />
buhlungu bekuba msikati esiveni semaSwati. Phela intfombi ingaze ikhule<br />
ibesesigabeni sekutsi ngabe seyendzile, ayibe isanambitseka ekhaya, batali<br />
bafuna tlnkhomo, bomkhula bayo nabo abayibuki ngeliso lelihle.<br />
Ngakulolunye luhlangotsi nakefika emendvweni akukho lokuhle<br />
lokutawukhulunywa ngaye njengobe evile nakayalwa ekhaya mhla aphuma<br />
kutsi akulindzele kutsi uyatsakatsa, ucamba emanga, udla emacandza kodvwa<br />
abeketele kuko konkhe loko. Konkhe loku nguko lokwenta umfati