View/Open - UZSpace Home - University of Zululand

45
kwendlula lalabanye bafati, imvamisa kuba ngulona lomncane. Msibi (2003)
utsi sikhona sitsembu lesemukelekako ebafatini bangacabani. Utsi loku
kwenteka nangabe lendvodza itsetse umlamu wayo kutsi kube nguye
latawuhlala nalodzadzewabo. Dlamini (2003) utsi kulesinye sikhatsi kuba
ngulomfati logcugcutela indvodza yakhe kutsi i1andze dzadzewabo kutsi
batewuhlala naye atemsita emsebentini walapha ekhaya. Phela emaSwatini
ngumsebenti webafati kuhlakula, kuvuna, kubhula nalokunye lokuphatselene
nemasimu. Indvodza ingaze icedze kuhlanyela ayisangeni emasimini loku
kubangwa kutsi minyenti imisebenti yendvodza ekhaya nasemmangweni.
Dlamini 6 (2003) ubeka kanje:
Indvodza iyahlonishwa ngebafati bayo
labevanako baphindze bayihloniphe. Loku
bakwenta nabahloniphana nabo.
Umfati lomdzala uyahlonishwa ngesiSwati, lalabancane bambita ngamake
wabo. Ugama lelitsi 'zakwetfu', abalisebentisi kuye kodvwa babitana ngalo
bodvwa. Indvodza nayo lomfati lomdzala imhlonipha njengenina nome
seyinalabanye ayimkhohlwa ngobe nguye lowayenta umuntfu, wayikhipha
elawini. Kuphatsana ngenhlonipho kwalabafati, kwenta lendvodza ihlonipheke
emmangweni. Bafati labahlala ngekuhhwebhana bayayilulata indvodza, itsi
nome isemhlanganweni yehluleke nekuvula umlomo ngobe kute umuntfu
longalalela indvodza leyehlulwa bafati.
Kwedzelelana kubakhona esitsenjini, imvamisa yesikhatsi kucala umfati
lomncane abukele phasi Iona lomdzala. Kwala nome alandvwe nguye kepha
ujika abe sitsa sakhe. Lomoya wekwedzelela awucali emaSwatini,
naseBhayibhelini ukhona. KuGenesisi (16:2-4) Abraham inceku yaNkulunkulu
S Gubudla Malindzisa lolilunga lebhodi yelulwimi lwesiSwati Kwakhulunywa naye e-Ermelo.
• Langa D1amini walapha eMvembili kaHhobho kwakbulunywa naye ekhaya lakhe.