View/Open - UZSpace Home - University of Zululand

121
ngekutibeka phasi. Sizatfu lesenta kutsi Iigama 'Iala' Iihlonishwe kutsi
emaSwati atsatsa kufa njengekulala. Nakutsiwa umuntfu sewalala ,kusho
kutsi sewafa ngobe Iigama lekufa alisetjentiswa kumuntfu ngesiSwati
njengobe kuke kwaphawulwa ngasekucaleni kwalesehlukwana. umuntfu
nakalele kutsiwa utsetse umfanekiso wekufa ngobe sikhatsi lachumana ngaso
nebakubo lasebalala njengobe kusenkholweni yemaSwati kutsi lasebalala
banesandla etimphilweni talabaphilako.
Saga: Sihlahla asonelwa. Lesaga sisho kutsi kubi kutsi umuntfu lokuphetse
kahle umente/e lokubi. Sihlahla silusito kakhu/u etimphilweni temaSwati
ngobe kuso kutfolakala titselo, umtfunti nalokunye. Ngako umuntfu lotsi
angasitakala kuso bese uyona akasiye muntfu emaSwatini, vele ute buntfu.
Inhlonipho kulesaga ivela ekutseni kusetjentiswe Iigama ' asonelwa '
esikhundleni seligama lelikhulu nalelisindzako, le emaSwati akukhandza
kulukhuni kUliphimisa, nemuntfu loliphimisa lula ngulowo lote inhlonipho.
Empeleni lesaga siveta kutsi emaSwati inhlonipho yawo ayigcini ebantfwini
kuphela, kodvwa ahlonipha ngisho nemvelo. Phela umuntfu longcolisa imvelo
ngulote inhlonipho, emaSwati amtsatsa njengesilwane.
lesinye saga lesimumetse inhlonipho yemaSwati ngulesitsi live
Iiyengcayelwa'. Kwengcaya kusho kuhlonipha. Umfati nakefika ekwendzeni
nome ekhakhakhe
unikwa sengcayo lokusidziya lokuba ngiso lahlonipha ngaso bakulelo khaya
kanye nemmango wonkhe urnbona ngaso kutsi ngumfati 10 akasesiyo
intfombi, kucala umsome udliwa sibaya sonkhe. Angaze anikwe sidziya-ke
umfati, akaseyikuhamba angakasifaki aze endlule emhlabeni. Ummango
uyamhlawulisa umfati lobonakala ajangaza angakafaki sidziya emmangweni
ngobe wandzisa umoya lomubi wekungahloniphi. Empeleni akaphumeli
ngaphandle angakasifaki sidziya.